सिटिजन लाइफ इन्स्योरेन्स कम्पनी लिमिटेडले आफ्नो संस्थागत सामाजिक उत्तरदायित्व (सीएसआर) अन्तर्गत कालिकोट जिल्लामा अविरल वर्षाका कारण प्रभावित भएका परिवारहरूलाई आवश्यक राहत सामग्री वितरण गरेको छ।
कम्पनीले कर्णाली प्रदेश पर्यटकीय तथा सांस्कृतिक संरक्षण केन्द्रसँगको समन्वयमा कालिकोट जिल्लाका विभिन्न स्थानीय तहका विपद् प्रभावित ५७ परिवारलाई राहत उपलब्ध गराएको हो। राहत सामग्री स्वरूप प्रतिपरिवारलाई स्ट्यान्डर्ड डबल सिरक र डसना वितरण गरिएको छ।
राहत पाउनेहरूमा कालिकोटको शुभकालिका गाउँपालिका, महावै गाउँपालिका, खाँडाचक्र नगरपालिका तथा तिलागुफा नगरपालिकाका विभिन्न वडाका प्रभावित परिवारहरू रहेका छन्। प्राकृतिक विपद्का कारण संकटमा परेका परिवारहरूलाई अत्यावश्यक न्यानो सामग्री उपलब्ध गराई उनीहरूको दैनिक जीवनयापनमा केही राहत पुर्याउने उद्देश्यले उक्त कार्यक्रम सञ्चालन गरिएको कम्पनीले जनाएको छ।
दुर्गम क्षेत्रका विपन्न तथा विपद् प्रभावित परिवारसम्म राहत सामग्री पुर्याउने यस कार्यमा स्थानीय निकाय तथा सम्बन्धित संस्थाहरूको समेत समन्वय रहेको थियो।
राहत सामग्री वितरण कार्यक्रममा सिटिजनका एजेन्सी म्यानेजर राजु सिजापतिको विशेष उपस्थिति रहेको थियो। उनले वितरण कार्यक्रमको समन्वय तथा व्यवस्थापन गर्दै प्रभावित परिवारहरूलाई राहत सामग्री हस्तान्तरण गरेका थिए।
सिटिजन लाइफ इन्स्योरेन्स कम्पनी लिमिटेडले संस्थागत सामाजिक उत्तरदायित्व अन्तर्गत शिक्षा, स्वास्थ्य, विपद् व्यवस्थापन, सामाजिक उत्थान तथा समुदायमुखी विभिन्न कार्यक्रमहरू सञ्चालन गर्दै समाजप्रति आफ्नो दायित्व निर्वाह गर्दै आएको छ। आगामी दिनहरूमा पनि आवश्यकतामा रहेका समुदायलाई लक्षित गरी यस्ता सामाजिक कार्यहरूलाई निरन्तरता दिने कम्पनीले प्रतिबद्धता व्यक्त गरेको छ।
प्रतिक्रिया