फिफा विश्वकप २०२६ अन्तर्गत डिफेन्डिङ च्याम्पियन अर्जेन्टिनाले केप भर्डेको सामना गर्दैछ। प्रतियोगितामा ६ गोल गरिसकेका लियोनेल मेसी गोल्डेन बुटको रेसको दोस्रो स्थानमा छन्।
मियामी स्टेडियममा हुने यो खेल नेपाली समय अनुसार शनिबार बिहान ३ बजेर १५ मिनेटमा सुरु हुनेछ। अर्जेन्टिना र काबो भर्डे पहिलोपटक आमने-सामने हुन लागेका हुन्।
अस्ट्रेलिया र इजिप्ट पहिलोपटक आमने-सामने
यसअघि शनिबार राति सवा ११ बजे डलास स्टेडियममा अस्ट्रेलिया र इजिप्टबीच खेल हुनेछ। विश्वकप इतिहासमा यी दुई टोली पहिलोपटक भिड्न लागेका हुन्।
समूह चरणमा अस्ट्रेलिया १ जित, १ हार र १ ड्र सहित ४ अंक जोडेर नकआउटमा पुगेको हो। अर्कातर्फ इजिप्ट भने कुनै पनि खेल नहारी नकआउट चरणमा प्रवेश गरेको छ।
कोलम्बिया र घानाको पहिलो भेट
अर्को खेलमा कोलम्बिया र घानाबीच प्रतिस्पर्धा हुनेछ। यो खेल कन्सास सिटी स्टेडियममा नेपाली समय अनुसार शनिबार बिहान ६ बजेर ४५ मिनेटमा सुरु हुनेछ।
कोलम्बिया समूह चरणमा अपराजित रहँदै नकआउटमा पुगेको बलियो टोली हो। घाना भने १ जित, १ हार र १ ड्र को यात्रा पार गर्दै यहाँसम्म आइपुगेको छ।
प्रतिक्रिया