मौद्रिक नीतिको तेस्रो त्रैमासिक समीक्षा सार्वजनिक (पूर्णपाठ)
नेपाल राष्ट्र बैंकले आर्थिक वर्ष २०८०/८१ को मौद्रिक नीतिको तेस्रो त्रैमासिक समीक्षा सार्वजनिक गरेको छ। आइतबार बसेको राष्ट्र बैंक सञ्चालक समितिको बैठकले समीक्षा स्वीकृत गर्दै सार्वजनिक गरेको हो। समीक्षामा देशको वर्तमान आर्थिक, वित्तीय स्थिति तथा आगामी परिदृश्यलाई ध्यानमा राखी छ वटा महत्वपूर्ण बुँदामा नीति निर्णय गरिएको छ।
राष्ट्र बैंकका अनुसार नीति दर ५.० प्रतिशत, निक्षेप संकलन दर ३.० प्रतिशत र बैंक दर ६.५ प्रतिशतमा यथावत राखिएको छ। यसले मौद्रिक नीतिको कार्यदिशा सन्तुलित राख्ने लक्ष्य लिएको छ।
त्यस्तै, विद्यमान अनिवार्य नगद मौज्दात र वैधानिक तरलता अनुपातमा कुनै परिवर्तन नगरिएको छ। तर, बैंक तथा वित्तीय संस्थाले दैनिक न्यूनतम ९० प्रतिशत नगद मौज्दात राख्नुपर्ने व्यवस्था लागू गरिने भएको छ।
समीक्षामा सेयर धितो कर्जाको जोखिम भार १२५ प्रतिशतबाट घटाएर १०० प्रतिशत कायम गर्ने निर्णय गरिएको छ। यस कदमले पूँजीको पहुँचमा सहजता ल्याउने अपेक्षा गरिएको छ।
विदेशी लगानी प्रवाह र व्यवस्थापनलाई प्रभावकारी बनाउन “नेपाल राष्ट्र बैंक विदेशी लगानी तथा विदेशी ऋण व्यवस्थापन विनियमावली, २०७८” लागू गरिने जनाइएको छ। यसमा हालै संशोधित विदेशी विनिमय ऐन, २०१९ र विदेशी लगानी तथा प्रविधि हस्तान्तरण ऐन, २०७५ का प्रावधान समावेश गरिनेछ।
यस्तै, चेक अनादरसम्बन्धी कानुनी प्रक्रिया स्पष्ट बनाउन ‘बैंकिङ कसुर तथा सजाय ऐन, २०६४’ अनुसार प्रमाणिकरण कार्यविधि तयार गरी लागू गरिने राष्ट्र बैंकले जनाएको छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया