एनआईसी एशिया बैंकका ग्राहकलाई कान्तिपुर डेन्टलमा १५ प्रतिशतसम्म छुट

एनआईसी एशिया बैंक र कान्तिपुर डेन्टल कलेज टिचिङ हस्पिटल एण्ड रिसर्च सेन्टर (केडीसी) प्रा.लि.बीच एक सम्झौतामा हस्ताक्षर भएको छ । जसअनुसार बैंकका ग्राहकलाई दाँत उपचार सेवामा विशेष छुट उपलब्ध गराउने अवसर प्रदान गर्नेछ।

यस सम्झौतापछि, एनआईसी एशिया बैंकका ग्राहकहरुले विभिन्न स्थानमा रहेका कान्तिपुर डेन्टलका शाखाहरुमा दाँत उपचार गर्दा र डिजिटल भुक्तानी गर्दा १५ प्रतिशतसम्म छुट प्राप्त गर्न सक्नेछन्।

ग्राहकहरुले जनरल डेन्टल सेवाहरुमा १५ प्रतिशत, फिजिओथेरापी, आई ग्लास र अन्य जनरल हस्पिटल सेवामा १० प्रतिशत, र दाँतको विशेष उपचार सेवामा ७ प्रतिशत छुट प्राप्त गर्न सक्नेछन्।

यस सुविधाको उपभोग गर्न ग्राहकहरुले एनआईसी एशिया बैंकको डेबिट कार्ड, क्रेडिट कार्ड, प्रिपेड कार्ड, वा मोबैंक एपमार्फत भुक्तानी गर्नुपर्नेछ।

यो छुट काठमाडौंस्थित जोरपाटीमा केडीसी एस्थेटिक सेन्टर/कान्तिपुर डेन्टल सेन्टर, पोखरामा न्युरोड स्थित कान्तिपुर इन्स्टिच्युट अफ हेल्थ साइन्स एण्ड डेन्टल हस्पिटल, र अन्य स्थानहरूमा उपलब्ध हुनेछ। साथै, काठमाडौंस्थित सतुंगल, चितवनस्थित भतरपुर, बुटबलस्थित भल्वारी तिलोत्तमामा पनि ग्राहकले यो छुट प्राप्त गर्न सक्नेछन्।

सम्बन्धित सामाग्री

कांग्रेस बागमती प्रदेश संसदीय दलको नेता चयनका लागि निर्वाचन समिति गठन

भारतीय काश्मीरमा पर्यटक आक्रमणमा संलग्न बन्दुकधारी मारिए

गाजामा ‘अनिकालको सबैभन्दा खराब अवस्था’

नयाँ उद्योग व्यवसाय दर्ता घट्दो, बन्द गर्ने क्रम बढ्दो

इप्पानद्धारा सिडिएससीको संस्थापक समूहको सेयर अभौतिकरण प्रस्तावको विरोध

वर्षा नभएपछि स्थानीयले सांसदलाई समातेर बनाए हली