एमालेका नगरप्रमुखलाई काँग्रेस र माओवादीका वडाध्यक्षहरुको धम्की

डोल्पाको त्रिपुरासुन्दरी नगरपालिकाका वडाध्यक्षले नगरको कार्यालय त्रिपुराकोट बगरमा ज्ञापनपत्र बुझाएका छन् । नगरपालिकाले वडाध्यक्षको अधिकार आफैँमा निहित गरेर वडाध्यक्षको अधिकारलाई ठाडो हस्तक्षेप गरेको, गत २८ भदौमा भएको बजेट विनियोजनमा पनि प्रत्येक वडामा समानुपातिक ढंगबाट बजेट विनियोजन नभएको, नगरसभाबाट पास नभएर अवैधानिक हिसाबमा बाहिरबाट आएका योजनालाई समेत प्राथमिकतामा राखेर बजेट विनियोजन गरेकोलगायतका मागप्रति ध्यानाकर्षण गराउँदै ज्ञापनपत्र बुझाइएको त्रिपुरासुन्दरी नगरपालिका–१ का वडाध्यक्ष कर्मसिंह थापाले जानकारी दिए । 

Advertisement

नगर विकास बजेट प्रत्येक वडामा नपठाएर वडाध्यक्षलाई औचित्यहीन बनाएको समेत अध्यक्ष थापाको भनाइ छ । शीघ्र हाम्रा मागमा छलफल नगरिए नेपाली काँग्रेस र नेकपा (माओवादी केन्द्र)का छजना वडाध्यक्षले नगरका कुनै पनि छलफलमा भाग नलिने उनले बताए । त्रिपुरासुन्दरी नगरपालिकामा ११ वडा रहेका छन् । यसमा प्रमुख, उपप्रमुख नगरपार्षद्सहित पाँच वडाध्यक्ष नेकपा (एमाले)का रहेका छन् । रासस 

सम्बन्धित सामाग्री

राहुघाटमा निर्माणाधीन पाँच जलविद्युत् आयोजना अन्तिम चरणमा

एकापसमा शुभकामना आदानप्रदान गर्दै हिन्दू–मुस्लिम

छ वर्षीया आरभको एकल चित्रकला प्रदर्शन

हुलाकी राजमार्ग : वीरगञ्ज मातहत एक सय ८१ किलोमिटर सडक तयार

कर्णाली प्रदेशको स्वास्थ्य सूचकमा आंशिक सुधार

राष्ट्रिय वाणिज्य बैंकद्वारा वित्तीय साक्षरता अभियान सञ्चालन