जनता बैंकले घोषणा गर्यो १२ प्रतिशत् लाभांश

जनता बैंकले गत आर्थिक वर्ष २०७५/०७६ को मुनाफाबाट आफ्ना शेयरधनीलाई लाभांश घोषणा गरेको छ। बैंक सञ्चालक समितिको असोज ५ गते आइतबार साँझ सम्पन्न २९१ औं बैठकले शेयरधनीलाई ६ प्रतिशत बोनस शेयर र ६ प्रतिशत नगद गरि कूल १२ प्रतिशत लाभांश वितरण गर्ने प्रस्ताव गरेको हो।

बैंक सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।

बैंकले आ.व. २०७५/०७६ मा एक अर्ब ३१ करोड ८ लाख ४७ हजार ६०३ रुपैयाँ खुद मुनाफा आर्जन गरेकोमा सो मध्येबाट मिति २०७६ असार मसान्तमा कायम रहेको चुक्ता पूँजी ८ अर्ब ७ लाख ८५ हजार ९२५ रुपैयाँको १२ प्रतिशतले हुन आउने ९६ करोड ९४ हजार ३१० रुपैयाँ ९४ पैसा लाभांश शेयरधनीहरुलाई वितरण गर्ने निर्णय गरेको हो ।

हाल चुक्ता पूँजी ८ अर्ब ७ लाख रुपैयाँ चुक्ता पूँजी रहेको जनता बैंकको प्रस्तावित लाभांश वितरण पश्चात ८ अर्ब ४८ करोड रुपैयाँ चुक्ता पूँजी पुग्नेछ ।अघिल्लो आर्थिक वर्ष २०७४/०७५ मा बैंकले ८.५ प्रतिशत नगद लाभांश मात्र वितरण गरेको थियो। जनता बैंकले ग्लोबल आईएमईसँग मर्जरमा जाने सम्झौता गरिसकेको छ ।

सम्बन्धित सामाग्री

एन आई सी एशिया बैंकका संचालक रामचन्द्र संघई सीआईपी सम्मानबाट सम्मानित

महालक्ष्मी विकास बैंकद्वारा पूर्ण डिजिटल भर्चुअल क्रेडिट कार्ड सञ्चालनमा

सिटिजन्स क्यापिटलद्वारा ‘सिटिजन्स सदाबहार योजना’को इकाई निष्काशन सुरु

हिमालयन बैंकद्वारा दूधपोखरी शाखा संचालनमा

महालक्ष्मी कर्पोरेट क्रिकेट लिग २०२५–संस्करण ४ सम्पन्न

हिमालयन लाइफ इन्स्योरेन्सको लाभांश सुरक्षित गर्ने आज अन्तिम दिन