लक्ष्मी बैंकको नाफा ४८ प्रतिशतले बढ्यो
समयपोष्ट
२०७४ साउन २३ गते ६:०६
लक्ष्मी बैंकले गत आर्थिक बर्ष एक अर्ब २४ लाख रुपैयाँ नाफा कमाएको छ । बैंकले गत आर्थिक बर्ष ४८ प्रतिशतले नाफा वृद्धि गरेको हो ।
बैंकको नाफा अघिल्लो आर्थिक बर्ष ६७ करोड ७१ लाख रुपैयाँ थियो । अघिल्लो आर्थिक बर्ष खुद ब्याज आम्दानी एक अर्ब तीस करोड रुपैयाँ गरेको बैंकले गत बर्ष खुद ब्याज आम्दानी एक अर्ब ६५ करोड रुपैयाँ पुर्याएको छ ।
बैंकले चार करोड ९० लाख रुपैयाँ राइट ब्याक गरेको छ । बैंकले गत आर्थिक बर्षमा ११ अर्ब रुपैयाँ निक्षेप वृद्धि गर्दै निक्षेप ५९ अर्ब ३२ करोड रुपैयाँ पुर्याएको छ ।
बैंकको कर्जा लगानी ५२ अर्ब ७३ करोड रुपैयाँ पुगेको छ । बैंकको चुक्ता पूँजी सात अर्ब ४७ करोड रुपैयाँ पुगेको छ ।
बैंकको पूँजी कोष अनुपात ११.१५ बाट बढेर १४.१९ प्रतिशत पुगेको छ। बैंकको खराब कर्जा ०.९३ प्रतिशत रहेको छ ।
प्रतिक्रिया