अब विदेशी मुद्रा साट्न बैंक खाता अनिवार्य, सीमा ३ हजार डलर पुर्याइयाे

नेपाल राष्ट्र बैंकले विदेशी मुद्रा सटहीलाई व्यवस्थित गर्न नयाँ नियम लागू गरेको छ।

बिहीबार जारी एकीकृत निर्देशनमार्फत केन्द्रीय बैंकले बैंक तथा वित्तीय संस्थाहरूलाई विदेशी मुद्रा सटहीका लागि बैंक खाता अनिवार्य गरेको हो।

नयाँ व्यवस्थाअनुसार राहदानीबापतको सटही सुविधा र औपचारिक भ्रमणबापतको सटही सुविधा अब परिवत्र्य विदेशी मुद्राको खातामा जम्मा गरेर मात्र उपलब्ध गराउन सकिनेछ। यसका लागि नयाँ खाता खोल्ने सुविधा समेत प्रदान गरिएको छ। यसअघि यस्तो व्यवस्था नरहेको केन्द्रीय बैंकले जनाएको छ।

त्यस्तै, भारतबाहेक अन्य मुलुकको भ्रमणमा जाने नेपाली नागरिकलाई राहदानीबापत प्रतिपटक ३,००० अमेरिकी डलर वा सो बराबरको परिवत्र्य विदेशी मुद्रा सटही सुविधा उपलब्ध गराउन सकिने भएको छ। यसअघि यो सीमा २,५०० अमेरिकी डलर थियो।

यो नयाँ व्यवस्थाले विदेशी मुद्रा सटहीलाई थप पारदर्शी र व्यवस्थित बनाउने अपेक्षा गरिएको छ।

सम्बन्धित सामाग्री

सानिमा बैंकको इ–कम भिसा कार्डमा अनलाइन टपअप सुविधा

संघीय सञ्चिति कोष दुई खर्ब घाटामा, राजस्व संकलनमा सुधार

प्रभु हेलिकप्टरले आइपिओ जारी गर्दै

भौतिक पूर्वाधार मन्त्रीको एक वर्ष : पुँजीगत खर्च ७६.४१ प्रतिशत,सबै जिल्लामा सडकको पहुँच

कांग्रेस नेता कोइरालाको पूर्वराष्ट्रपति भण्डारी निवासमा एक घण्टा

शिक्षामन्त्री र इजरायली राजदूतबीच ‘इजरायल इन्टर्नसीप कार्यक्रम’ पुनःसञ्चालनबारे छलफल