उच्च अंकले घट्यो नेप्से परिसूचक

नेप्से परिसूचक ४७.९३ अंक घटेर २९५४.१४ विन्दुमा झरेको छ। सेन्सेटिभ इण्डेक्स १०.७५ अंक घटेको छ भने फ्लोट इण्डेक्स ३.६३ अंक र सेन्सेटिभ फ्लोट इण्डेक्स ३.७४ अंक घटेको छ।

३२७ स्टकको १ लाख ४१ हजार ५२० पटकको कारोबारमा १६ अर्ब ४४ करोड १३ लाख ५४ हजार रुपैयाँबराबरको ३ करोड ६४ लाख १७ हजार कित्ता शेयर खरिदबिक्री भएको छ।

१३ उपसमूहमध्ये १ उपसमूहको परिसूचक बढेको छ भने १२ उपसमूहको परिसूचक घटेको छ। अन्य उपसमूहको परिसूचक सामान्य बढेको हो। लघुवित्त उपसमूहको परिसूचक सर्वाधिक ३.२८ प्रतिशत घटेको छ। विकास बैंक उपसमूहको परिसुचक ३ प्रतिशतभन्दा बढी घटेको छ भने वित्त र होटल तथा पर्यटन उपसमूहको परिसूचक २ प्रतिशतभन्दा बढी घटेको छ।

सान्भि इनर्जी र ट्रेड टावरको शेयर सकारात्मक सर्किट लेभलमा कारोबार भएको छ। सान्भि इनर्जीको शेयर निरन्तर नवौँ कारोबार दिन सकारात्मक सर्किट लेभलमा कारोबार भएको हो भने ट्रेड टावरको शेयर निरन्तर दशौँ कारोबार दिन सकारात्मक सर्किट लेभलमा कारोबार भएको हो। समता घरेलु लघुवित्त वित्तीय संस्थाको शेयरमूल्य साढे ६ प्रतिशतभन्दा बढी बढेको छ भने सिक्लेस हाइड्रोपावरको शेयरमूल्य ५ प्रतिशतभन्दा बढी बढेको छ। कारोबारमा आएको ग्रीन डेभलपमेन्ट बैंकको शेयरमूल्य सर्वाधिक ८.०४ प्रतिशत घटेको छ।

कारोबार रकमका आधारमा हिमालयन रि इन्स्योरेन्स शीर्ष स्थानमा रहेको छ। सो कम्पनीको १ अर्ब ३२ करोड १२ लाख रुपैयाँबराबरको शेयर कारोबार भएको छ। त्यस्तै, यस दिन हिमालयन डिष्टिलरीको ७३ करोड रुपैयाँभन्दा बढीको शेयर किनबेच भएको छ भने शिवम् सिमेन्ट्को कारोबार रकम ५७ करोड नाघेको छ।

सम्बन्धित सामाग्री

तेलङ्गनामा नेपाली संस्कृतिको न्यान्यो स्पर्श

रिभर फल्सले ७० करोडको हकप्रद शेयर निष्काशन गर्ने, तोक्यो बुकक्लोज मिति

आज यी नदीमा आकस्मिक बाढीको जोखिम

वाग्मती प्रदेशप्रमुख अस्वस्थः मन्त्रीहरुको शपथ स्थगन

रुपन्देही–३ उपनिर्वाचनः उम्मेदवार सिफारिस गर्न एमालेको परिपत्र

शिव श्री हाइड्रोपावरको शतप्रतिशत हकप्रद शेयर सुरक्षित गर्ने आज अन्तिम दिन