होटल,पशुपक्षी पालन, निर्माण क्षेत्रसँग सम्बन्धित व्यवसायीलाई कर्जा पुनरतालिकीकरणको सुविधा
राष्ट्र बैंकले ऋण पुनर्संरचना/पुनर्तालिकीकरणका लागि सहुलियत घोषणा गरेको छ।
शुक्रबार सार्वजनिक मौद्रिक नीतिको त्रैमासिक समीक्षाबाट घोषणा भएका नीतिहरु कार्यान्वयन गर्न एकिकृत निर्देशन जारी गर्दै राष्ट्र बैंकले आवश्यकता र औचित्यको आधारमा बुझाउनुपर्ने ब्याजको कम्तिमा १० प्रतिशत रकम असुल उपर गरी कर्जाको पुनरतालिकीकरण तथा पुनरसंरचना गर्न सकिने व्यवस्था गरेको हो ।
होटल तथा रेस्टुरेन्ट, पशुपक्षी पालन, निर्माण क्षेत्रसँग सम्बन्धित कर्जा र पाँच करोडसम्मको अन्य जुनसुकै कर्जामा राष्ट्र बैंकले सहुलियत दिएको हो।
ऋणीले बुझाउनुपर्ने १० प्रतिशत ब्याज बुझाएमा उनीहरुको ऋण पुनर्संरचना हुने छ। पुनर्संरचना असार मसान्तभित्र गरिसक्नु पर्ने छ। चैतसम्म सक्रिय रहेको कर्जालाई यो सुविधा उपलब्ध हुने छ।
पुनर्संरचना गरिएका कर्जाको पाँच प्रतिशत नोक्सानी व्यवस्थापन गर्नुपर्ने हुन्छ। यो व्यवस्थाले बैंकहरुले पुनर्संरचना भन्दा पनि जसरी पनि उठाउने रणनीतिमा जाने सम्भावना रहन्छ। त्यसो हुँदा ऋणी थप पीडित हुन सक्छन्।
चैतसम्म असल वर्गमा रहेको अल्पकालिन तथा चालु पुँजी प्रकृतिका कर्जालाई ब्याज नियमित रहेको अवस्थामा कुनै हर्जाना नलिइ २०८० असार मसान्तभित्र तीन महिनाको लागि म्याद थप्ने सुविधा दिएको छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया