एसएमएल इसुजुका गाडी किन्न एभरेष्ट बैंकले कर्जा दिने

नेपालका लागि एसएमएल इसुजुको आधिकारिक विक्रेता लक्ष्मी कमर्सियल भेहिकल्स प्रालि र एभरेष्ट बैंक लिमिटेडबीच एसएमएल इसुजुका स्कुल बस, रुटबस, ट्रक, ट्रिपर आदिमा लगानी गर्नेसम्बन्धी सम्झौता भएको छ ।

सम्झौतामा बैंकका डेपुटी जनरल मेनेजर गौरव कुमार तथा लक्ष्मी कमर्सियल भेहिकल्सका सेल्स एन्ड अपरेसन डाइरेक्टर कपिल सिवाकोटीले हस्ताक्षर गरेका हुन् । सम्झौताअनुसार एसएमल इसुजुका ग्राहकहरूले सहज रूपमा ऋण सुविधा लिन सक्ने जनाइएको छ ।

ग्राहकले एभरेष्ट बैंकका नेपालभर रहेका एक सय २४ शाखामध्ये जहाँबाट पनि गाडीको मूल्यको ७० प्रतिशतसम्म कर्जा लिन सक्ने उल्लेख छ । यस्तो कर्जा बढीमा सात वर्षसम्मका लागि उपलब्ध हुने जनाइएको छ । साथै, सर्भिस चार्ज र ब्याजदरमा पनि बैंकले सहुलियत उपलब्ध गराउने उल्लेख गरिएको लक्ष्मी कमर्सियलका बिजनेस हेड सञ्जय खड्काले जानकारी दिए ।

सम्झौताले दुई संस्थाबीचको व्यापार बढाउन सहयोग पुग्ने र भविष्यमा पनि सहकार्य गर्दैै अगाडि बढ्न सकिने बैंैकका डेपुटी जनरल मेनेजर गौरव कुमारले बताए । लक्ष्मी कमर्सियल भेहिकल्सका सबै शाखा, डिलरहरूबाट एभरेस्ट बैंकसँग भएको सम्झौताअनुसार एसएमएल इसुजुका गाडी खरिद गर्ने ग्राहकलाई आवश्यक ऋण लिने प्रक्रियामा सहजीकरण गरिने लक्ष्मी कमर्सियलका नेटवर्क हेड ईश्वर दाहालले बताए ।

सम्बन्धित सामाग्री

एन आई सी एशिया बैंकका संचालक रामचन्द्र संघई सीआईपी सम्मानबाट सम्मानित

महालक्ष्मी विकास बैंकद्वारा पूर्ण डिजिटल भर्चुअल क्रेडिट कार्ड सञ्चालनमा

हिमालयन बैंकद्वारा दूधपोखरी शाखा संचालनमा

महालक्ष्मी कर्पोरेट क्रिकेट लिग २०२५–संस्करण ४ सम्पन्न

ग्लोबल आइएमई बैंकद्वारा प्लाष्टिक फोहोर संकलनसहित हाइकिङ कार्यक्रम आयोजना

प्रभु बैंक र होटल यार्शाबीच छुट सम्झौता