जनता बैंकको ‘जनता सुरक्षा बचत खाता’

नेको इन्स्युरेन्ससंगको सहकार्यमा जनता बैंकले ‘जनता सुरक्षा बचत खाता’ संचालनमा ल्याएको छ । ग्राहकहरुलाई अधिकतम लाभ पुर्याउँने उद्देश्यले बैंकले आकर्षक बीमा सुविधा सहितको बचत योजना संचालनमा ल्याएको बिज्ञप्ती मार्फत जानकारी दिएको छ ।

बैंकका अनुसार न्यूनतम निक्षेप रु. १०,०००.०० मा उक्त खाता खोल्न सकिने छ । उक्त खातामा ग्राहकहरुलाई वार्षिक ७ प्रतिशत ब्याज त्रैमासिक रुपमा उपलब्ध गराइने बैंकले जनाएको छ । साथै बचतकर्ताको रु. १० लाख सम्मको दुर्घटना बीमा समेत उक्त खातामा समेटिएको छ ।

बचतकर्ता बिरामी भई अस्पताल भर्ना हनु पर्दा रु. १ लाख सम्मको उपचार खर्च र भर्ना नभई उपचार गर्दा रु. ५,०००.०० सम्मको उपचार खर्चको बीमा गरिएको बैंकले जनाएको छ ।

उक्त खातामा बचतकर्तालाई लकर सुविधामा वार्षिक ५० प्रतिशत छुट समेत दिइएको छ भने ATM, ABBS, Internet Banking, Mobile Banking, C-ASBA सुविधा समेत उपलब्ध गराईएको छ । बचत योजना २०७४ चैत्र ७ गते देखि लागु हुने बैंकले जनाएको छ ।

बैंकले हाल देशभरीबाट ९८ शाखा संजाल, ३१ शाखा रहित बैंकिङ्ग, ३ सीमित बैंकिङ्ग ईकाइ, ३ एक्सटेन्सन काउन्टर र ६९ एटिएमबाट सेवा प्रदान गरिरहेको छ ।

सम्बन्धित सामाग्री

कृषि विकास बैंक कर्मचारी संगठनको स्मारिका विमोचन कार्यक्रम सम्पन्न

बैंकर्स सङ्घसँग भएको सहमति कार्यान्वयन गर्न माग

नागरिक लगानी कोषले सिद्धार्थ बैंकको उपदान तथा अवकाश कोष सञ्चालन गर्ने

नबिल बैंक उत्कृष्ट वित्तीय प्रतिवेदनको गोल्ड अवार्डबाट सम्मानित

एन आई सी एशिया बैंकका संचालक रामचन्द्र संघई सीआईपी सम्मानबाट सम्मानित

महालक्ष्मी विकास बैंकद्वारा पूर्ण डिजिटल भर्चुअल क्रेडिट कार्ड सञ्चालनमा