अब सिभिल बैंकको सबै शाखाहरुबाट अनलाईन फि पेमेन्ट हुने
सिभिल बैंकको कुनै पनि शाखाहरुमार्फत अब अनलाईन फि पेमेन्ट गर्न सकिने भएको छ । नेपालका विभिन्न स्थानहरुबाट वर्षेनी हजारौं विद्यार्थीहरु विदेशमा अध्ययन गर्न गएका छन् तर ती विद्यार्थीहरुले विदेशमा बुझाउनुपर्ने शुल्कहरु भुक्तानी गर्न सहज नभएको परीप्रेक्ष्यमा अब सिभिल बैंकको कुनै पनि शाखामा गई अनलाईन फि पेमेन्ट गर्न सकिने भएको छ ।
विदेशमा उच्च शिक्षा हासिल गर्न दिनुपर्ने अनिवार्य परिक्षाहरु एसएटी, जीआरई, जीम्याट, एसीटी र यूएसएमएलईको रेजिस्ट्रेसन शुल्क र फि नेपालबाटै तिर्न सकिनेछ । नेपालमै बसी अध्ययन गर्न सकिने अन्तराष्ट्रिय कोर्स एसीसीए लगायत अन्य अनलाईन कोर्सहरुकोे रेजिष्ट्रेसन तथा फि पनि अब विद्यार्थीहरुले सहजै रुपमा सिभिल बैंकका शाखाहरुवाट भुक्तानी गर्न सक्नेछन् ।
देशको लागि आवश्यक दक्ष जनशक्ति उत्पादनको लागि अपरिहार्य उच्च शिक्षा हासिल गर्न चाहने विद्यार्थीहरुले अब सिभिल बैंकको ६८ वटा मध्ये ग्राहकहरुलाई पायक पर्ने कुनै पनि शाखा मार्फत बिना झन्झट भुक्तानी गर्न सक्ने बैंकका प्रमुख कार्यकारी अधिकृत गोविन्द गुरुङले बताए ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया