अरिट इन्टरनेसनलद्धारा सीएसआर कार्यक्रम वन्यजन्तु संरक्षणमा केन्द्रित

अरिट इन्टरनेसनलले आफ्नो कर्पोरेट सामाजिक उत्तरदायित्व (CSR) कार्यक्रमलाई अझ सशक्त बनाउँदै संकटापन्न वन्यजन्तु संरक्षणमा केन्द्रित नयाँ पहलको घोषणा गरेको छ। संयुक्त राष्ट्रसंघको दिगो विकास लक्ष्य (SDG) १५ अन्तर्गत, यो पहल चितवन राष्ट्रिय निकुञ्ज क्षेत्रमा संकटापन्न प्रजातिहरू, जस्तै बंगाल टाइगर, एक सिङ्गे गैंडा, र एशियाली हात्तीको संरक्षणमा योगदान पुर्याउनेछ।

अरिटले आफ्ना ग्राहकहरूलाई शिक्षा, पोषण, वा वन्यजन्तु संरक्षणमा योगदान दिने विकल्प प्रदान गर्न थालेको छ। यस पहलले ग्राहकहरूलाई व्यक्तिगत रूपमा वातावरणीय र सामाजिक परिवर्तनमा सहभागी गराउने लक्ष्य राखेको छ। “हाम्रो CSR कार्यक्रमलाई वन्यजन्तु संरक्षणमा समावेश गर्नु भनेको सबैका लागि दिगो भविष्य सुरक्षित गर्ने कुरा हो,” अरिटका क्रिएटिभ सल्लाहकार रोहन अदुकियाले भने।

अधुकियाले थपे, “अरिटका ग्राहकहरूले अब आफ्नो खरिदमार्फत् मानिस र वन्यजन्तुबीचको शान्तिपूर्ण सहअस्तित्वमा सहयोग पुर्याउन सक्नेछन्। यो अवसरले उनीहरूलाई समाजमा गहिरो र सकारात्मक प्रभाव पार्न सघाउँछ।”

फुड फर लाइफ र होस्टे हाइँसेसँगको सफल साझेदारीलाई आधार मानेर, अरिटले अब प्रत्येक सवारी साधन बिक्रीमा चितवनको वन्यजन्तु संरक्षणमा प्रत्यक्ष योगदान पुर्याउने अवसर दिन थालेको छ। यो सहयोगले वन्यजन्तु संरक्षणसँगै स्थानीय समुदायको शिक्षामा पनि योगदान पुर्याउनेछ।

अरिट इन्टरनेसनलले दिगो विकास र व्यवसायिक सफलतालाई सँगै अघि बढाउँदै, पृथ्वी र मानिस दुवैका लागि दीर्घकालीन फाइदाका लागि काम गरिरहेको छ।

अरिट इन्टरनेसनल एक विश्वस्तरीय विलासी मोटर कम्पनी हो, जसले अत्याधुनिक सवारी साधन उत्पादनमा मात्र नभई सामाजिक र वातावरणीय उत्तरदायित्वलाई पनि महत्त्व दिन्छ।

सम्बन्धित सामाग्री

यामाहाले ७० औं वार्षिकोत्सवका अवसरमा ल्यायो राष्ट्रव्यापी एक्सचेन्ज अफर!

रसुवामा बाढी : व्यापारिक नाकामा गम्भीर क्षति, संयमित रहन नाडाको अपील

जेभियर इन्टरनेशनल स्कूललाई १३ वटा फोटोन माउन्टेन इभी भ्यान हस्तान्तरण

हिमालय रोडिज सिजन ७ को टाइटल स्पोन्सरमा यामाहा नेपालको निरन्तरता

छिम्केश्वरीमा मोनोरेलको सम्भाव्यता अध्ययन

चालकले सात डलर चोर्दा ८४ हजार डलरको पेन्सन गुम्यो