रसुवामा बाढी : व्यापारिक नाकामा गम्भीर क्षति, संयमित रहन नाडाको अपील

रसुवा जिल्लामा हालै आएको भीषण बाढी र पहिरोले स्थानीय जनजीवन र मुलुकको प्रमुख व्यापारिक नाका—केरुङ र रसुवागढी—मा गम्भीर असर पारेको छ। यो प्राकृतिक प्रकोपले भन्सार परिसरमा निर्माणाधीन सुख्खा बन्दरगाह र पार्किङमा रहेका कन्टेनरहरूलाई बगाएर अटोमोबाइल आयात प्रणालीमा ठूलो धक्का पुर्‍याएको छ। प्रारम्भिक अनुमानअनुसार लाखौंको क्षति भएको छ, र प्रभावित क्षेत्रमा उद्धार कार्य तीव्र गतिमा भइरहेको छ।

Advertisement

नाडा अटोमोवाइल्स एशोसिएशन अफ नेपालले पीडित परिवार र व्यवसायीहरूप्रति गहिरो समवेदना व्यक्त गरेको छ। “आफ्नो घर, व्यवसाय र जीविकोपार्जन गुमाउनुपरेको पीडा अकल्पनीय छ,” नाडाले जारी गरेको विज्ञप्तिमा उल्लेख छ। एशोसिएशनले विगतमा पनि संकटको समयमा आफ्ना सदस्यहरूलाई सहयोग गर्दै आएको र यसपटक पनि पीडितहरूको पुनःस्थापनामा ऐक्यबद्धता जनाएको छ।

नाडाले प्रभावितहरूलाई तत्काल सहयोगको लागि सम्पर्क गर्न अनुरोध गरेको छ। “हामी यो संकटमा एकजुट भएर सहयोग र करुणाका साथ अघि बढ्न अपील गर्दछौं,” विज्ञप्तिमा भनिएको छ।

सम्बन्धित सामाग्री

मिरजको घोषणा: ‘मुख्य माग पूरा नभएसम्म निर्वाचनमा भाग लिँदैनौं’

नयाँ भाँडा खरिदसहित पूजा गरेर धनतेरस पर्व मनाइँदै

यसपालि छ दिनको यमपञ्चक

स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल

नगर विकास कोषको रकम प्रतिफल दिने क्षेत्रमा लगानी गरौँः मन्त्री घिसिङ

पदयात्रीको ‘रिफ्रेस सेन्टर’