साताको अन्तिम दिन पनि सेयर बजारमा सुधार आएन ।
समयपोष्ट
२०७४ पुष ६ गते १०:००
बिहीबार नेप्से परिसुचक १२.३२ अंकले घटेर १४७२.१५ अंकमा ओर्लिएको छ। यसदिन १ सय ५३ कम्पनीका ९ लाख ९० हजार कित्ता शेयर ४७ करोड रुपैयाँ बराबरमा किनबेच भएको छ । यसदिन सबैभन्दा बढी स्ट्याण्डर्ड चार्टड बैंकको तीन करोड ७७ लाख रुपैयाँको शेयर कारोबार भयो ।
यसदिन उत्पादन मुलक समूह बाहेकको सबै उपसूचक घटेका छन् । उत्पादन मुलक समूह ०.५९ प्रतिशतले बढेको छ । बैंक ०.४८, ट्रेडिङ ०.४८, होटल ०.५२, विकास बैंक १.१४, जलबिद्युत १.१२, फाइनान्स ०.३७, बीमा १.०१, अन्य २.६५ र लघुवित्त १.१७ अंकले घटेको छ।
यसदिन महुली सामुदायिक लघुबित्तका शेयरधनीले करिब सात प्रतिशत कमाएका छन् । बिजय लघुवित्त वित्तीय संस्थाका शेयरधनीले करिब ६ प्रतिशत गुमाए ।
प्रतिक्रिया