माछापुच्छ्रे आधार शिविर माथि हिमपात

Advertisement

कास्कीको अन्नपूर्ण आधार शिविर जाने पदमार्गअन्तर्गत माछापुच्छ्रे आधार शिविर माथि अन्नपूर्ण आधार शिविर क्षेत्रमा हिमपात भएको छ ।

अन्नपूर्ण आधार शिविर क्षेत्रमा सोमबार बेलुकादेखि हिमपात भएको छोम्रोङ पर्यटन व्यवस्थापन समितिका अध्यक्ष जगनरास गुरुङले जानकारी दिनुुभयो । तिहारलगत्तै यस क्षेत्रमा पदयात्रा लागि आउने पर्यटकको सङ्ख्या उत्साहजनक रुपमा बढेको जानकारी दिँदै उहाँले विदेशीभन्दा स्वदेशी पर्यटकको आकर्षण बढिरहेको बताउनुुभयो ।

हिउँ सामान्य परेका कारण पदयात्रामा आएका पर्यटकलाई कुनै अहसजता भने नभएको उहाँको भनाइ छ । तिहारलगत्तै अन्नपूर्ण क्षेत्रमा पदयात्राको क्रम बढेको अन्नपूर्ण संरक्षण क्षेत्र आयोजनाका प्रमुख रविन कडरियाले जानकारी दिनुुभयो ।

कास्कीतर्फको अन्नपूर्ण आधार शिविरमा सोमबार पुगेका पर्यटक तल झरिसकेको उहाँले जानकारी दिनुुभयो । “कास्कीको अन्नपूर्ण आधार शिविरदेखि माछापुच्छ«े आधार शिविरसम्म हिउँ परेको छ”, उहाँले भन्नुुभयो, “त्यहाँभन्दा तल्लो क्षेत्रमा पानी परेको छ, पदयात्रामा जाने पर्यटकलाई सजगता अपनाउन आग्रह गरेका छौँ ।”

Advertisement

तिहारयता अन्नपूर्ण आधार शिविरमा आउने पर्यटकमध्ये ८० प्रतिशत आन्तरिक र २० प्रतिशत विदेशी रहेको छोम्रोङ पर्यटन व्यवस्थापन समितिका सचिव दिलीप गुरुङले जानकारी दिनुुभयो ।

सम्बन्धित सामाग्री

हवाई उडान सामान्य प्रभावित

लगातार तीन वर्ष राम्ररी हिउँ पर्न नसकेको मुस्ताङमा हिमपात, पर्यटन व्यवसायी उत्साहित

ओली, लेखकसहितलाई कार्की आयोगले यात्रामा लगाएको रोकविरुद्ध सर्वोच्चमा रिट

जोखिमयुक्त ठाउँमा पदयात्रा नगर्न कास्की प्रशासनको आग्रह

प्रहरी प्रभाग बुङ्गमतीको भवन पुनःनिमाण गरी हस्तान्तरण

अन्नपूर्ण आधार शिविर क्षेत्रमा सुरक्षाकर्मीको टोली परिचालन