एनआईसी एशिया क्यापिटलले शेयरधनीलाई ५० प्रतिशत नगद लाभांश वितरण गर्ने

एनआईसी एशिया क्यापिटल लिमिटेडले आर्थिक वर्ष २०८१/८२ को नाफाबाट शेयरधनीहरूलाई ५० प्रतिशत नगद लाभांश वितरण गर्ने प्रस्ताव गरेको छ । क्यापिटलको संचालक समितिको १६०औं बैठकले भदौ १८ गते (सेप्टेम्बर ३, २०२५) बिहान ९ बजे कम्पनीको रजिष्ट्रर कार्यालय थापाथलीमा नबौं वार्षिक साधारण सभा आयोजना गर्ने निर्णय गरेको हो ।

उक्त सभामा आर्थिक वर्ष २०८१/८२ को वार्षिक प्रतिवेदन पारित गर्ने, सञ्चालक समितिले प्रस्ताव गरेको ५० प्रतिशत (करसहित) नगद लाभांश स्वीकृत गर्ने लगायतका विषयमा छलफल हुने क्यापिटलले जनाएको छ ।

एनआईसी एशिया क्यापिटलले हालसम्म शेयरधनीहरूलाई वितरण गरेका लाभांशको दर समेत उल्लेखनीय छ । सातौं वार्षिक साधारण सभासम्म कम्पनीले कुल २४० प्रतिशत नगद लाभांश वितरण गरिसकेको र अब प्रस्तावित ५० प्रतिशत पारित भएमा वितरण दर २९० प्रतिशत पुग्नेछ ।

सेवाको पहुँच विस्तार र प्रविधिमैत्री प्रणालीमा ध्यान केन्द्रित गर्दै आएको क्यापिटलले ‘अब लाइनमा होइन, क्यापिटलको सेवा इलष्लिभमा’ भन्ने मूल नाराका साथ ग्राहक सेवामा नवीनता ल्याएको बताएको छ । कम्पनीले आर्थिक वर्ष २०८१/८२ को अन्त्यसम्म अधिकांश सेवा इलष्लिभ प्लेटफर्ममार्फत उपलब्ध गराउने सफल व्यवस्था समेत मिलाइसकेको जानकारी दिएको छ ।

सम्बन्धित सामाग्री

उच्च अंकले घट्यो नेप्से परिसूचक

एनआईसी एशिया क्यापिटल अन्तर्गत सञ्चालित ४ म्युचुअल फण्डले गरे लाभांश घोषणा

अब शेयर कारोबारको खाता खोल्न राष्ट्रिय परिचय पत्र अनिवार्य चाहिने

दोहोरो ‘आइजिन’ व्यवस्था कार्यान्वयन भए एक खर्ब २८ अर्बको संस्थापक शेयर बन्धक हुने

गरिमा समृद्धि योजनाद्धारा लाभांश घोषणा

एनएमबि सरल बचत फण्ड–इ को प्रतिफल घोषणा