प्रभु बैंकले ५० हजार कित्ता संस्थापक सेयर बिक्री गर्ने, १४० रुपैयाँ भन्दा कम मूल्य राखेर आवेदन दिन नपाईने

प्रभु बैंकले भाद्र १० गतेदेखि संस्थापकतर्फको ५० हजार कित्ता सेयर बिक्री खुला गर्ने भएको छ ।

बैंकले प्रतिकित्ता सेयरको न्यूनतम भाउ १४० रुपैयाँ तोकेको छ ।

लगानीकर्ताले १४० रूपैयाँलाई आधार मानेर सो भन्दा बढी मूल्य कबोल गरी बोलपत्र पेस गर्नुपर्नेछ । तोकिएको मूल्यभन्दा कम मूल्य राखेर आवेदन दिन पाइने छैन।

यसमा न्यूनतम १० हजार कित्तादेखि अधिकतम सबै कित्ताका लागि आवेदन दिन सकिनेछ ।

बैंककै संस्थापक सेयरधनी, अन्य कोही व्यक्ति, कम्पनी तथा विभिन्न संघसंस्थाहरूले १७ भदौसम्म आवेदन दिन सक्नेछन् ।

लगानीकर्ताले बिक्री प्रबन्धक नबिल इन्भेष्टमेन्ट बैक लिमिटेड नक्साल, काठमाडौंमा बोलपत्र आवेदन फारम बुझाउन सक्नेछन् ।

सम्बन्धित सामाग्री