उर्लावारी र ईनरुवामा गरिमा विकास बैंकको एटिएम सहित शाखा कार्यालय

गरिमा विकास बैंक लिमिटेडले मोरङ नगरपालिका वडा नं ७ इटहरा रोड स्थित उर्लावारी र ईनरुवा नगरपालिका वडा नं १ भगवतीमन्दिर रोड स्थित ईनरुवा शाखा कार्यालय तथा एटिएम समेतको औपचारिक उद्घाटन कार्य सम्पन्न गरेको छ ।

बिहिवार उक्त शाखा कार्यालयको उद्घाटन मोरङ नगरपालिका प्रमुख खड्ग वहादुर फागो र ईनरुवा न.पा. वडा नं.१ भगवतीमन्दिर रोड स्थित ईनरुवा शाखा कार्यालय तथा एटिएमको ईनरुवा नगरपालिका प्रमुख राजन मेहतावाट ताम्रपत्र अनावरण गरि क्रमश दूई शाखा कार्यालयहरुको समुद्घाटन भयो ।

कार्यक्रममा बोल्दै बैंकका अध्यक्ष चन्द्रकान्त बरालले संस्था सक्षम र अब्बल बन्नको लागि उत्कृष्ट सेवा प्रवाह संगसंगै संस्थागत सुशासन समेत महत्वपूर्ण रहने हुंदा विकास बैंकले सेवा प्रवाह संगसंगै संस्थागत सुशासनमा समेत सदैव महत्व दिईरहेको बताए ।

बैंकका प्रमुख कार्यकारी अधिकृत गोविन्द प्रसाद ढकालले विकास बैंकले ग्राहकहरुको चाहना र आवश्यकतामा भएको परिवर्तन संगसंगै आफ्नो सेवा, सुविधा र प्रविधिलाई समयानुसार परिमार्जन गर्दै उत्कृष्ट वित्तीय सेवा प्रवाहमा सदैव प्रतिबद्ध रहेकोे जानकारी दिए ।

काठमाण्डौंको लाजिम्पाटमा केन्द्रीय कार्यालय रहेको यस विकास बैंकको हाल काठमाण्डौं उपत्यकाभित्र ८ वटा शाखाहरु सहित देशभर ८० शाखाहरु र ३५ वटा एटीएमहरु संचालनमा छन । विकास बैंकले निकट भविष्यमा नै देशका विभिन्न १५ स्थानमा शाखा कार्यालय स्थापना गर्दैछ । विकास बैंकले २०७६ भाद्र १२ गतेसम्ममा रु.३४ अर्ब निक्षेप संकलन गरी रु.२९ अर्ब कर्जा लगानी गरेको छ ।

सम्बन्धित सामाग्री

बैंकर्स सङ्घसँग भएको सहमति कार्यान्वयन गर्न माग

नागरिक लगानी कोषले सिद्धार्थ बैंकको उपदान तथा अवकाश कोष सञ्चालन गर्ने

नबिल बैंक उत्कृष्ट वित्तीय प्रतिवेदनको गोल्ड अवार्डबाट सम्मानित

एन आई सी एशिया बैंकका संचालक रामचन्द्र संघई सीआईपी सम्मानबाट सम्मानित

महालक्ष्मी विकास बैंकद्वारा पूर्ण डिजिटल भर्चुअल क्रेडिट कार्ड सञ्चालनमा

हिमालयन बैंकद्वारा दूधपोखरी शाखा संचालनमा