गुराँस लाइफको दोस्रो पटक संस्थापक शेयरको लिलामी खुल्यो

गुराँस लाइफ इन्स्योरेन्सले हकप्रदमा नबिकेको शेयर लिलामीमा राखेको छ। कम्पनीले पहिलो पटक लिलामी निकाल्दा बिक्री नभएका ९० हजार ५७१ कित्ता संस्थापक हकप्रद शेयर शुक्रबारदेखि दोस्रो पटक लिलामीमा राखेको हो ।

कम्पनीले गत चैत २८ देखि जेठ २८ गतेसम्म २ बराबर १ शेयरको अनुपातमा २९ लाख ७० हजार कित्ता हकप्रद शेयर निष्काशन गरेको थियो ।

कम्पनीले चुक्ता पूँजी बढाउन जारी गरेको ५० प्रतिशत हकप्रद शेयर संस्थापकहरूले नै खरीद नगरेपछि लिलामीमा निकाल्नु परेको छ ।

कम्पनीको शेयरमा बोलकबोल आवेदन दिँदा न्यूनतम एक हजार कित्तादेखि अधिकतम सम्पूर्ण कित्ताको लागि आवेदन दिन सकिने छ । लिलामी शेयरमा लगानीकर्ताले बिक्री प्रबन्धक लक्ष्मी क्यापिटल मार्फत साउन १० गतेसम्म आवेदन गर्न सक्नेछन ।

कम्पनीको बोनस शेयर र हकप्रद शेयर लिलामी बिक्रीपछि चुक्ता पूँजी ९३ करोड ८५ लाख रूपैयाँ पुग्नेछ। बीमा समितिले तोकेको चुक्ता पूँजी पुर्याउन कम्पनीलाई अझै एक अर्ब ६ करोड रूपैयाँ जोहो गनुपर्ने आवश्यकता छ ।

सम्बन्धित सामाग्री