सिटिजन्स बैंकको एफडि ऋण सेवा : द्रुत, सुरक्षित र सहज

सिटिजन्स बैंक इन्टरनेशनल लिमिटेडले ग्राहकहरूलाई अझ सजिलो सेवा दिन ‘लोन अगेंस्ट फिक्स्ड डिपोजिट’ सुविधा सुरु गरेको छ। अब ग्राहकले बैंकको मोबाइल एपबाटै आफ्नो मुद्दती निक्षेपको ९० प्रतिशत वा बढीमा १० लाख रुपैयाँसम्म कर्जा लिन सक्नेछन्। न्यूनतम ५ हजार रुपैयाँदेखि यो सुविधा उपलब्ध छ। आवेदन दिएलगत्तै कर्जा रकम ग्राहकको बचत खातामा जम्मा हुन्छ। यसका लागि कुनै कागजात पेस गर्नु पर्दैन।

यो सुविधाले अचानक पैसा चाहिँदा मुद्दती निक्षेप तोड्नुपर्ने बाध्यता हटाएको छ। मुद्दती निक्षेप जस्ताको तस्तै रहन्छ, ब्याज पनि चलिरहन्छ। सिटिजन्स बैंकले डिजिटल प्रविधिको उपयोगमार्फत ग्राहकहरूको समय, श्रम र स्रोतको बचत गर्दै सेवा प्रवाहलाई प्रभावकारी बनाउन निरन्तर नयाँ–नयाँ डिजिटल सेवा ल्याउने क्रममा यो सेवा पनि थप गरेको हो। यसै शृङ्खलामा बैंकका हेड–डिपोजिट मार्केटिङ पारस विक्रम थापासँग समयपोष्टले ‘लोन अगेंस्ट फिक्स्ड डिपोजिट’ सेवामा केन्द्रित रहेर गरेको अन्तर्वार्ता।

तपाईको बैंकले सार्वजनिक गरेको ‘डिजिटल लोन अगेंस्ट फिक्स्ड डिपोजिट’ सेवा कस्तो हो ?

‘लोन अगेंस्ट फिक्स्ड डिपोजिट’ भन्नाले बैंकमा राखिएको फिक्स्ड डिपोजिट (एफडी) लाई नै धितो (कोलेटरल) बनाएर ऋण लिने सुविधा हो। अब सिटिजन्स बैंकले यो सेवा डिजिटल रूपमा उपलब्ध गराएको छ। यसको अर्थ तपाईंले बैंक शाखामा नगई सिटिजन्स बैंकको मोबाइल बैंकिङ प्लेटफर्मबाटै एक क्लिकमा आफ्नो एफडी विरुद्ध ऋण लिन सक्नुहुन्छ। तपाईंको नाममा रहेको फिक्स्ड डिपोजिटलाई सुरक्षित रूपमा राखेर तुरुन्तै ऋण प्राप्त गर्न सकिन्छ। सामान्यतया एफडीको मूल्यको ९०% सम्म ऋण प्रदान गरिन्छ। यदि मोबाइल बैंकिङबाट एफडी विरुद्ध ऋण लिनुभयो भने तपाईंको ऋण सीमा एफडीको मूल्यको ९०% वा बढीमा रु. १० लाखसम्म हुनेछ।

यो ’डिजिटल लोन अगेंस्ट फिक्स्ड डिपोजिट’ सेवा कसरी विकास भयो ? यसलाई ल्याउने मुख्य उद्देश्य के हो?

अहिले बैंकिङ क्षेत्र द्रुत गतिमा डिजिटलाइजेशनतर्फ अघि बढिरहेको छ। ‘डिपोजिट प्रडक्ट’ र ‘कस्टुमर अनबोर्डिङ’ का धेरै पक्षहरू पहिल्यै डिजिटलाइज्ड भइसकेका छन्। अब बैंकहरूले लेनडिङ पक्षलाई डिजिटलाइजेशनमा केन्द्रित गरेका छन्। ‘डिजिटल लोन अगेंस्ट फिक्स्ड डिपोजिट’ यसको सुरुवात हो, किनकि यो बैंकका लागि सबैभन्दा सुरक्षित लेनडिङ प्रडक्ट मानिन्छ।

डिजिटल लोन अगेंस्ट फिक्स्ड डिपोजिट सेवा डिजिटल रूपान्तरण र ग्राहक सुविधा विस्तारका लागि विकास गरिएको हो। बैंकले एफडी र लोन प्रणालीलाई एउटै डिजिटल प्लेटफर्ममा जोडेर, स्वचालित लोन स्वीकृति तथा रियल-टाइम भेरिफिकेशन सिस्टम प्रयोग गरी ग्राहकलाई मोबाइलबाटै तुरुन्त ऋण लिन सक्ने सहज प्रणाली तयार पारेको छ।

सिटिजन्स बैंकसहित अन्य बैंकहरूले यो सेवा ल्याउनुका मुख्य उद्देश्यहरू ग्राहकलाई सजिलो र छिटो सेवा प्रदान गर्नु, समय र कागजी प्रक्रियाको झन्झट घटाउनु, डिजिटल बैंकिङको प्रवर्द्धन गर्नु तथा एफडी रकमलाई आवश्यक परेका बेला उपयोग गर्न सकिने बनाउनु हुन्।

नेपालमा यस्ता डिजिटल ऋण सेवाहरूको माग किन बढेको छ ? सिटिजन्स बैंकले यसलाई कसरी पहिचान गर्यो ?

नेपालमा डिजिटल ऋण सेवाहरूको माग बढ्नुको मुख्य कारण प्रविधिको तीव्र विकास, स्मार्टफोन र इन्टरनेटको व्यापक पहुँच तथा ग्राहकहरूको छिटो, सरल र कागजरहित सेवाप्रतिको चाहना हो। विशेष गरी युवा पुस्ता र शहरमा बसोबास गर्ने कामकाजी वर्ग परम्परागत बैंकिङ प्रक्रियाभन्दा सजिलो र तत्काल उपलब्ध हुने वित्तीय समाधान खोज्छन्।

डिजिटल ऋण सेवाहरूको माग बढाउन फिनटेक कम्पनीहरूको भूमिका पनि उल्लेखनीय छ। सिटिजन्स बैंकले यो परिवर्तनलाई समयमै पहिचान गर्दै ग्राहकहरूको व्यवहार र आवश्यकतामा आएको बदलावको अध्ययन गर्‍यो। बैंकले डिजिटल प्लेटफर्ममार्फत साना तथा छोटो अवधिका ऋण सेवाको माग बढ्दै गएको देखेर डिजिटल ऋण सेवा विकास गर्ने निर्णय लियो, जसले ग्राहकहरूलाई मोबाइल एप वा अनलाइन माध्यमबाट तुरुन्त ऋण उपलब्ध गराउन सहयोग पुर्‍यायो। यसले बैंकलाई प्रतिस्पर्धी बजारमा अग्रणी बन्न र नयाँ पुस्ताका ग्राहकहरूलाई आकर्षित गर्न मद्दत गर्‍यो।

ग्राहकहरूले कति सम्म ऋण लिन सक्छन् ?

साधारणतया, तपाईंलाई एफडीको मूल्यको ९० प्रतिशतसम्म ऋण प्रदान गरिन्छ। यदि तपाईंले मोबाइल बैंकिङमार्फत एफडी अगेंस्ट ऋण लिनुभयो भने तपाईंको ऋण सीमा रु.१० लाखसम्म हुनेछ।

आवेदन प्रक्रिया कस्तो छ ?

सिटिजन्स बैंकको डिजिटल लोन अगेंस्ट फिक्स्ड डिपोजिट सेवाको आवेदन प्रक्रिया सजिलो र छिटो छ। ग्राहकले सर्वप्रथम बैंकको मोबाइल बैंकिङ एपमा लगइन गर्नुपर्छ। त्यसपछि आफ्नो खातामा रहेको फिक्स्ड डिपोजिट छनोट गरी त्यसलाई धितो राखेर आवश्यक ऋण रकम प्रविष्ट गर्नुपर्छ। बैंकले सामान्यतया एफडीको ९० प्रतिशतसम्मको रकम ऋणको रूपमा उपलब्ध गराउँछ। आवेदन प्रक्रियामा कागजी काम न्यूनतम राखिएको छ, जसले गर्दा ग्राहकले शाखामा नगई अनलाइनमार्फतै आवेदन दिन सक्छन्। आवेदन स्वीकृत भएपछि रकम तुरुन्तै बचत खातामा जम्मा हुन्छ। ऋण फिर्ता गर्ने अवधि, ब्याजदर र भुक्तानी प्रक्रिया बैंकले तोके अनुसार हुने हुँदा, ग्राहकले आफ्नो सुविधाअनुसार किस्तामा वा अन्तिम म्याच्युरिटीमा फिर्ता गर्न सक्छन्।

ब्याजदर, अवधि र अन्य शुल्क कति छ ?

सिटिजन्स बैंकको डिजिटल लोन अगेंस्ट फिक्स्ड डिपोजिट सेवाको लागि ब्याजदर, अवधि र अन्य शुल्कहरू बैंकको नियमअनुसार निर्धारण हुन्छन्। यसमा ब्याजदर सामान्यतया एफडीको ब्याजदरभन्दा २ प्रतिशत बढी वा बैंकको औसत बेस रेट प्लस २ प्रतिशत मध्ये जुन ठूलो हुन्छ, त्यसैअनुसार लागू हुन्छ। ऋण अवधि प्रायः तपाईंको एफडीको म्याच्युरिटी (अवधि सकिने मिति) सम्म हुन्छ, अर्थात् एफडी सकिने मितिभन्दा लामो अवधिका लागि ऋण उपलब्ध हुँदैन। अन्य कुनै शुल्क लाग्दैन। यसरी, ग्राहकले आफ्नो एफडीको आधारमा तुरुन्त ऋण प्राप्त गर्ने सुविधा सरल र छिटो प्रक्रियामार्फत पाउन सक्छन्।

यो सुविधाको मुख्य फाइदाहरू के–के हुन् ?

डिजिटल लोन अगेंस्ट फिक्स्ड डिपोजिट सेवाका मुख्य फाइदाहरू धेरै छन्। यसले ग्राहकलाई एफडी धितो राखेर तुरुन्तै ऋण रकम प्राप्त गर्ने सुविधा दिन्छ, शाखामा जानु नपरी अनलाइन आवेदनमार्फत सजिलै ऋण लिन सकिन्छ। यस ऋणको ब्याजदर साधारण व्यक्तिगत ऋणभन्दा कम हुने भएकाले आर्थिक रूपमा फाइदाजनक हुन्छ।

आवेदन प्रक्रिया सरल र डिजिटल भएकाले कागजी काम न्यूनतम हुन्छ र समयको पनि बचत हुन्छ। यसरी ग्राहकले आफ्नो रोकिएको एफडी रकमलाई आवश्यक पर्दा ऋणको रूपमा प्रयोग गर्न सक्छन्। साथै, ऋणको अवधि एफडीको म्याच्युरिटीअनुसार लचिलो रूपमा निर्धारण हुने भएकाले किस्तामा वा अन्तिम म्याच्युरिटीमा तिर्न सकिन्छ। एफडी ग्यारेन्टी भएकोले यो सेवा सुरक्षित र विश्वसनीय पनि हुन्छ।

कस्ता ग्राहकहरू यो सेवाका लागि योग्य हुन्छन् ? नेपाली नागरिक मात्र वा विदेशीहरू पनि?

सिटिजन्स बैंकको डिजिटल लोन अगेंस्ट फिक्स्ड डिपोजिट सेवा लिनका लागि ग्राहकसँग बैंकमा फिक्स्ड डिपोजिट हुनु अनिवार्य छ। आवेदक स्वयं त्यस एफडी खाताको वास्तविक धनी हुनुपर्छ; अर्थात् नाबालक वा तेस्रो व्यक्तिको नाममा मात्र रहेको एफडीमा यो सुविधा उपलब्ध हुँदैन। यो सेवा नेपाली नागरिकका लागि मात्र लागू हुन्छ।

बैंकमा सक्रिय खाता भएको, केवाइसी प्रक्रिया पूरा गरेको, मोबाइल बैंकिङमा दर्ता भएको र एफडी खोलेको नेपाली बालिग नागरिक ग्राहकहरू यो डिजिटल लोनका लागि प्रणालीबाटै स्वतः योग्य ठहरिन्छन्। उनीहरूले जुनसुकै समय, जहाँबाट पनि मोबाइल बैंकिङमार्फत एक क्लिकमै यो सेवा प्राप्त गर्न सक्छन्।

लन्च भएपछि ग्राहक प्रतिक्रिया कस्तो छ ?

सिटिजन्स बैंकको डिजिटल लोन अगेंस्ट फिक्स्ड डिपोजिट सेवाप्रति ग्राहकहरूको प्रतिक्रिया अत्यन्त सकारात्मक छ। धेरैले यसको छिटो उपलब्धता, सरल प्रक्रिया र अनलाइन माध्यमबाट न्यूनतम कागजी प्रक्रियाको प्रशंसा गरेका छन्। आफ्नो एफडी जमानत राखेर तुरुन्तै ऋण प्राप्त हुँदा ग्राहकहरूले समयको बचत र आर्थिक सुविधा दुवै अनुभव गरेका छन्। यसरी यो सेवा ग्राहकहरूका लागि सुविधाजनक, विश्वसनीय र द्रुत ऋण प्राप्तिको प्रभावकारी माध्यम बनेको छ।

हामीले यो सुविधा सुरु गर्दा अधिकतम ऋण सीमा रु. २ लाखबाट मात्र थालेका थियौं, तर ग्राहकहरूको उत्साहजनक प्रयोग र उनीहरूको अनुरोधलाई मध्यनजर गर्दै केही महिनापछि अधिकतम ऋण सीमा रु. १० लाख पु-याइएको छ।

डिजिटल सेवामा साइबर सुरक्षाको लागि बैंकले के–के उपाय अपनाएको छ ?

नेपालमा डिजिटल बैंकिङको वृद्धिसँगै साइबर सुरक्षा चुनौतीहरू पनि बढ्दै गएका छन्। सिटिजन्स बैंकसहितका बैंकहरूले ग्राहकहरूको सुरक्षा सुनिश्चित गर्न विभिन्न उपायहरू अपनाएका छन्। यसमा बहु-कारक प्रमाणीकरण (Multi-Factor Authentication) लागू गरिएको छ, जसले पासवर्डसँगै ओटीपी वा बायोमेट्रिक जानकारी प्रयोग गरी पहुँच अनुमति दिन्छ। सबै डेटा स्थानान्तरणमा इन्क्रिप्सन लागू गरिएको छ, जसले अनधिकृत पहुँचबाट सुरक्षा प्रदान गर्छ। बैंकले आफ्ना प्रणालीमा नियमित सुरक्षा अडिट र जोखिम मूल्यांकन गर्दै उन्नत उपकरणहरूको प्रयोग गरी अनियमित गतिविधिहरू पहिचान गर्ने व्यवस्था पनि गरेको छ। साथै, ग्राहकहरूलाई साइबर फ्रड, फिसिङ र सोसल इन्जिनियरिङसम्बन्धी सचेतना जगाउन जानकारी तथा सुरक्षा टिप्स उपलब्ध गराइन्छ। यसरी बैंकले सुरक्षित डिजिटल वातावरण सिर्जना गर्ने प्रयास गरेको छ, तर ग्राहकहरूले पनि सतर्क रहनु अत्यावश्यक छ।

‘डिजिटल लोन अगेंस्ट फिक्स्ड डिपोजिट’ सेवाको आवेदन प्रक्रिया

Step 1: Go to My Accounts

Step 2: Go to Fixed deposit

Step 3: Click on your Fixed Deposit account

 

Step 5: Enter the Amount and click Proceed

Your LF amount will be credited to your Saving Account automatically.

सम्बन्धित सामाग्री