बाढीले रसुवामा ५ टहरा र रसुवागढी हाइड्रोको दुई वटा पिकअप बगायो

नेपाल चीनको सिमानामा अवस्थित ल्हेन्दे खोलामा गए राति पुनः आएको बाढीले गोसाइँकुण्ड गाउँपालिका–५ स्थित ५ वटा टहरा बगाएको छ ।

रसुवागढी भन्सार यार्डको धर्ककाँटा पनि बाढीले बगाएको प्रहरीले जनाएको छ । ल्हेन्दे र केरुङ मिसिएपछिको भोटेकोशीले गोसाइँकुण्ड गाउँपालिका स्थित तातोपानी डाँडामा कटान गर्दा पासाङ ल्हामु सडक पूर्णरुपमा अवरुद्ध भएको छ ।

रसुवागढी हाइड्रोपावरको आवासीय क्याम्पमा असार २४ को बाढीले पुरेको बा.१२ च ४ नम्बरको फोर्स रेन्जर र बा.१० च ९३४० नम्बरको फोर्स रेन्जर पिकअप बगाएको छ । हाइड्रोपावरमा जाने फलामे पुल पनि बाढीले बगाएको छ । गोसाइँकुण्ड गाउँपालिका वडा नम्बर–२ स्थित पासाङ ल्हामु सडक खण्डको १५ मिटर बाटो नदीले कटान गरेर मोटरसाईकल मात्र जाने अवस्थामा छ ।

सो ठाउँमा सडकमा एउटा बिजुलीको पोल ढलेको रसुवा प्रहरीले जनाएको छ । फेन्लुङमा ५ मिटर सड्क खोलाले कटान गरेको र सो ठाउँमा साना गाडीमात्र पास हुने अवस्था रहेको छ ।

सम्बन्धित सामाग्री

रिभर फल्सले ७० करोडको हकप्रद शेयर निष्काशन गर्ने, तोक्यो बुकक्लोज मिति

आज यी नदीमा आकस्मिक बाढीको जोखिम

वाग्मती प्रदेशप्रमुख अस्वस्थः मन्त्रीहरुको शपथ स्थगन

रुपन्देही–३ उपनिर्वाचनः उम्मेदवार सिफारिस गर्न एमालेको परिपत्र

शिव श्री हाइड्रोपावरको शतप्रतिशत हकप्रद शेयर सुरक्षित गर्ने आज अन्तिम दिन

जोशी हाइड्रोपावरले आजदेखि हकप्रद शेयर निष्काशन गर्दै