पुनः घट्यो नेप्से, यी तीन स्टकको शेयर सकारात्मक सर्किटमा

Advertisement

बुधबार नेप्से परिसूचक घटेर बन्द भएको छ।

लगातार दुई कारोबार दिन बढेको नेप्से बुधबार भने १३.६९ अंकले झरेर २६६४.४७ विन्दुमा पुगेको छ। कारोबार रकम पनि घटेको छ। मंगलबार १० अर्ब १६ करोडको शेयर कारोबार भएको बजारमा बुधबार ३०७ स्टकको ८१,७०३ पटकको कारोबारमा ९ अर्ब ९० करोड ७० लाख ५ हजार रुपैयाँबराबरको २ करोड २० लाख ७५ हजार कित्ता शेयर किनबेच भएको छ।

तीन कम्पनीको शेयर सकारात्मक सर्किट लेभलमा कारोबार भएको छ। बुटवल पावर कम्पनी, पियोर इनर्जी र सिनर्जी पावर डेभलपमेन्टको शेयर सकारात्मक सर्किटमा पुगेको हो। रिभरफल्स पावरको शेयरमूल्य करिब ८ प्रतिशतले बढेको छ भने सप्तकोशी डेभलपमेन्ट बैंकको शेयरमूल्य ४.८३ प्रतिशतले घटेर सर्वाधिक ओरालो लागेको छ।

कारोबार रकममा राधी विद्युत कम्पनी शीर्ष स्थानमा छ, जसको ६१ करोड ५७ लाख रुपैयाँबराबरको शेयर कारोबार भएको छ। सानिमा माइ हाइड्रोपावरको ५९ करोडभन्दा बढी र बुटवल पावर कम्पनीको साढे ५८ करोडको शेयर किनबेच भएको छ।

Advertisement

१३ उपसमूहमध्ये ११ को परिसूचक घटेको छ भने जलविद्युत उपसमूहको परिसूचक १ प्रतिशतभन्दा बढीले उकालो लागेको छ। वित्त, होटल तथा पर्यटन, अन्य र व्यापार उपसमूहको परिसूचक १ प्रतिशतभन्दा बढीले घटेको छ। म्युचुअल फण्ड उपसमूहको परिसूचक भने स्थिर रहेको छ।

सम्बन्धित सामाग्री

प्रतितोला ४ हजार रुपैयाँले बढ्यो सुनको मूल्य

इजरायलद्वारा इरानमाथि हमला, दुई उच्च अधिकारीको मृत्यु

आज यी तीन प्रदेशमा भारी वर्षाको सम्भावना

जब प्रधानमन्त्री ओलीको गला अवरुद्ध भए, अनि आँखा रसाए…

यस्तो छ आजका लागि विदेशी मुद्राको विनिमयदर

‘एयर इन्डियाको जहाज दुर्घटनाले विश्व हवाई क्षेत्र स्तब्ध’