सिटिजन लाइफको खुद नाफा बढ्यो
समयपोष्ट
२०८० वैशाख १९ गते ९:१०
चालु आर्थिक वर्षको तेस्रो त्रैमासम्ममा सिटिजन लाइफ इन्स्योरेन्सको खुद नाफा २.६० प्रतिशतले बढेर १५ करोड १ लाख रुपैयाँ पुगेको छ ।
गत आर्थिक वर्षको यसै अवधिमा कम्पनीको खुद नाफा १४ करोड ६३ लाख रुपैयाँ रहेको थियो ।
यस्तै कम्पनीको खुद बीमाशुल्क ३.७१ प्रतिशतले बढेर ३ अर्ब ७२ करोड ८२ लाख रुपैयाँ पुगेको छ ।
गत आर्थिक वर्षको यसै अवधिमा कम्पनीले ३ अर्ब ५९ करोड ५० लाख रुपैयाँ खुद बीमाशुल्क आर्जन गरेको थियो ।
यस्तै कम्पनीले लगानी, कर्जा तथा अन्यबाट ६१ करोड २३ लाख रुपैयाँ, बीमालेख धितोमा ४८ करोड १७ लाख रुपैयाँ लगानी गरी ३ करोड २९ लाख रुपैयाँ आम्दानी गरेको छ ।
यस अवधिमा कम्पनीले २२ हजार ८७७ वटा बीमालेख जारी गरेको छ ।
प्रतिक्रिया