प्रभु लाइफको खुद बीमा शुल्क ६४.६४ प्रतिशतले वृद्धि

प्रभु लाइफ इन्स्योरेन्सले चालु आवको दोस्रो त्रैमाससम्ममा ६ करोड १९ लाख रुपैयाँ नाफा आर्जन गरेको छ । यो नाफा गत वर्षको तुलनामा २३.४३ प्रतिशत घकम हो ।

गत आर्थिक वर्ष ८ करोड ८० लाख रुपैयाँ खुद नाफा आर्जन गरेको थियो ।

२ अर्ब रुपैयाँ चुक्ता पुँजी रहेको इन्स्योरेन्सको जगेडा कोषमा ४१ करोड ९९ लाख रुपैयाँ सञ्चित छ। जगेडा कोषको आकार गत आर्थिक वर्षको तुलनामा ४७.८२ प्रतिशत बढेको छ।

यस्तै, चालु आर्थिक वर्षको दोस्रो त्रैमाससम्म आइपुग्दा इन्स्योरेन्सको जीवन बीमा कोषमा २ अर्ब ६० करोड रुपैयाँ सञ्चित छ। गत आर्थिक वर्षको दोस्रो त्रैमासको तुलनामा जीवन बीमाकोष ८०.७४ प्रतिशत वृद्धि भएको देखिन्छ। इन्स्योरेन्सको महाविपत्ति कोषमा ३ करोड १८ लाख रुपैयाँ छ, जुन गत आर्थिक वर्षको सोही अवधिको तुलनामा ५५.७९ प्रतिशत बढेको हो।

यस अवधिमा इन्स्योरेन्सको खुद बीमा शुल्क आर्जन

६४.६४ प्रतिशत वृद्धि

हुँदै एक अर्ब रुपैयाँ पुगेको छ। गत आर्थिक वर्षको सोही अवधिमा इन्स्योरेन्सले ६० करोड ९९ लाख रुपैयाँ बीमा शुल्क आर्जन गरेको थियो।

समीक्षा अवधिमा प्रभु लाइफको प्रति सेयर आम्दानी ६.१९ रुपैयाँ, प्रति सेयर नेटवर्थ १२२.५९ रुपैयाँ, प्रति सेयर कुल सम्पत्तिको मूल्य २५२.६३ रुपैयाँ र मूल्य आम्दानी अनुपात १०१.७५ गुणा रहेको छ।

सम्बन्धित सामाग्री