४.९५ मेगावाटको माथिल्लो पिलुवा खोला–३ मा लक्ष्मी र माछापुच्छ्रे बैंकले कर्जा लगानी गर्ने
४.९५ मेगावाटको माथिल्लो पिलुवा खोला–३ जलविद्युत आयोजना निर्माणका लागि दुई बैंकले कर्जा लगानी गर्ने भएका छन् ।
संखुवासभाको साबिकको सिद्धकाली र मावादिन गाविसहरुमा रहेको पिलुवा र सिखुवा खोलामा निर्माण गर्न लागिएको उक्त आयोजनामा लक्ष्मी बैंकको अगुवाइमा माछापुच्छ्रे बैंक समेतले कर्जा लगानी गर्ने भएको हो ।
आयोजनामा लक्ष्मी बैंकले ३९ करोड ९९ लाख र माछापुच्छ्रे बैंकले २५ करोड ६० लाख रुपैयाँ कर्जा लगानी गर्ने छन् ।
उक्त आयोजनाको लागत ९३ करोड ७० लाख रुपैयाँ अनुमान गरिएको छ। माबिलुङ इनर्जी र नेपाल विद्युत प्राधिकरणबीच विद्युत खरिद सम्बन्धी सम्झौता भइसकेको छ। आयोजना निर्माणका लागि कम्पनीले ऊर्जा मन्त्रालयबाट गत साउन ९ गते स्वीकृति पाइसकेको छ।
माबिलुङ इनर्जीलाई एशियन लाइफ इन्स्योरेन्स कम्पनी, गुहेश्वरी मर्चेन्ट बैंकिङ एन्ड फाइनान्सलगायत अन्य व्यक्तिहरुले प्रवर्द्धन गरेका छन्। यसका अध्यक्ष राजेशलाल श्रेष्ठ हुन्।
प्रतिक्रिया