नेपाल लाइफले पुस २७ गतेबाट एफपिओ निश्काशन गर्ने,प्रति कित्ता १४२५ रुपैयाँ

नेपाल लाईफ इन्स्योरेन्सले पुस २७ गतेदेखि अतिरिक्त साधारण सेयर (एफपिओ) जारी गर्ने भएको छ। पुस २७ गतेबाट ३० लाख ९६ हजार ४ सय २९ कित्ता एफपीओ बिक्री खुला गर्ने भएको हो ।

नेपाल लाईफले प्रति कित्ता १४२५ रुपैयाँमा एफपीओ निश्काशन गर्न धितोपत्र बोर्डबाट अनुमति पाएको छ । कम्पनीले एक सय फेस भ्यालुमा १३२५ रुपैयाँ प्रिमियम थपेर एफपीओ निश्काशन गर्न लागेको हो ।

कम्पनीको १६ औं बार्षिक साधारण सभाबाट पारित भए बमोजिम संस्थापक र सर्वसाधारण समुहको शेयर स्वामित्व ७०ः३० प्रतिशत कायम गर्न आवश्यक हुने ३० लाख ९६ हजार ४ सय २९ कित्ता थप साधारण शेयर निष्कासन गर्न लागेको हो । 

नेपाल लाईफको चुक्ता पूँजी हाल दुई अर्ब १६ करोड रहेकोमा एफपीओ जारीपछि दुई अर्ब ४७ करोड नाघ्ने छ । उसले एफपीओ वापत संकलन गर्ने प्रिमियम जगेडा कोषमा जाने छ । नेपाल लाइफको धितोपत्र निष्कासन तथा बिक्री प्रवन्धकमा सिद्धार्थ क्यापिटल लिमिटेड रहेको छ ।

 

 

सम्बन्धित सामाग्री