सरकारसँग नेविसंघको माग: ओली, लेखक र बालेन्द्र साहमाथि तत्काल छानबिन गर

Advertisement

नेपाली काँग्रेस निकट विद्यार्थी संगठन नेपाल विद्यार्थी संघ (नेविसंघ) ले पूर्वप्रधानमन्त्री केपी शर्मा ओली, पूर्वगृहमन्त्री रमेश लेखक र काठमाडौं महानगरपालिकाका मेयर बालेन्द्र साहमाथि तत्काल छानबिन गर्न सरकारसँग माग गरेको छ।

सोमबार काठमाडौंमा आयोजित पत्रकार सम्मेलनमा नेविसंघका अध्यक्ष दुजाङ शेर्पाले जेन जी आन्दोलनमा भएको मानवीय क्षति र अराजकताको जिम्मेवारी यी व्यक्तिहरूले लिनुपर्ने बताए।

अध्यक्ष शेर्पाले जेन जी आन्दोलनको पहिलो दिन भदौ २३ गते नै ठूलो मानवीय क्षति भएको उल्लेख गर्दै सोही दिन तत्कालीन प्रधानमन्त्री ओली र गृहमन्त्री लेखकको राजीनामा मागिएको स्मरण गरे। उनले भने, “हामीले भदौ २३ गते नै तत्कालीन प्रधानमन्त्री र गृहमन्त्रीले नैतिक जिम्मेवारी लिनुपर्छ भन्दै राजीनामा मागेका थियौं। अहिले पनि हाम्रो माग यथावत् छ। उहाँहरूलाई छानबिनको दायरामा ल्याएर दोषी ठहरिए कारबाही हुनुपर्छ।”

यस्तै, शेर्पाले काठमाडौं महानगरपालिकाका मेयर बालेन्द्र साहले सिंहदरबार जलाउनुपर्ने भन्दै युवाहरूलाई उक्साएको र आन्दोलनको नेतृत्व गरेको आरोप लगाए। उनले साहमाथि पनि तत्काल अनुसन्धान अघि बढाउनुपर्ने माग गरे। “बालेन्द्र साहले भदौ २३ को आन्दोलनको आह्वान गर्नुभएको थियो। उहाँले सिंहदरबार जलाउनुपर्छ भन्ने मानसिकता युवाहरूमा भरेको देखिन्छ। उहाँलाई पनि छानबिनको दायरामा ल्याउनुपर्छ,” शेर्पाले भने।

Advertisement

नेविसंघले जेन जी आन्दोलनका क्रममा भएका आगजनी, तोडफोड र लुटपाटमा संलग्न व्यक्तिहरूमाथि कारबाहीको माग गर्दै असोज २८ गतेबाट देशव्यापी प्रदर्शन गर्ने चेतावनीसमेत दिएको छ। संगठनले सरकारलाई शक्तिशाली छानबिन आयोग गठन गरी दोषीमाथि कारबाही गर्न दबाब दिएको छ।

सम्बन्धित सामाग्री

कर्जा सुविधा दुई महिना थप गर्न व्यवसायीको माग

सडक निर्माणमा भ्रष्टाचार, भेरी नगरपालिकाका पूर्व निमित्त प्रमुख प्रशासकीय अधिकृतसहित सातजनामाथि मुद्दा

सुरक्षा परिषद् बैठक: अन्तरराष्ट्रिय, क्षेत्रीय र राष्ट्रिय सुरक्षा अवस्थाबारे समीक्षा

हमासले विपिनसहित चार मृत बन्दीका शव आज हस्तान्तरण गर्ने

सुन तस्करी प्रकरणमा पूर्वसभामुख महराविरुद्ध मुद्दा दर्ता, साढे ८ करोड बढी विगो मागदावी

स्वास्थ्य मन्त्रालयले जेनजी आन्दोलनका घाइतेको वर्गीकरण गर्ने