‘सरकारी अधिकारी पनि बलात्कार गर्छन्, बलिउडले बलात्कारपछि रोटी त दिन्छ’

चर्चित कोरियोग्राफर सरोज खानले बलिउडमा कास्टिङ काउचबारे सन्सनीपूर्ण बयान दिएकी छिन् ।

उनका अनुसार कास्टिङ काउचको मामिला अहिले नभएर बाबा आदमको जमानादेखि चल्दै आएको छ । यो फिल्म उद्योगमात्र नभएर सरकारले पनि गर्दै आएको छ ।

‘सरकारी अधिकारी पनि बलात्कार गर्छन् । कम से कम फिल्म उद्योगले बलात्कार गरेपछि रोटी त दिन्छ । सरकार जस्तो छाडेर हिँड्दैन,’ उनले भनिन् ।

६९ वर्षीया सरोज खानले बयानमा हर युवतीमाथि कोही न कोही ‘हाथ साफ’ गर्न कोशिस गर्ने बताएकी छिन् ।

उनले भनिन्, ‘सरकारका मान्छेले पनि बलात्कार गर्छन् । तपाईं किन फिल्म उद्योगको पछाडि मात्र लाग्नुभएको छ ? फिल्म उद्योगले कम से कम रोटी त दिन्छ । बलात्कार गरेपछि त्यसै छोडिदिँदैन ।’

उनले अगाडि भनिन्, ‘यो सबै युवतीमाथि भर पर्छ उनी के गर्न चाहन्छिन् । यदी उनी कसैको हातमा आउन चाहँदिनन् भने उनलाई कसैले छुन सक्दैन । यदी तपाईंसँग कला छ भने किन आफूलाई बेच्नु ?’

यता, काँग्रेस नेतृ रेणुका चौधरीले कास्टिङ काउच बलिउडमा मात्र नभएर हरेक क्षेत्रमा हुने बताइन् । ‘यो तितो सत्य हो । संसद या काम गर्ने अन्य क्षेत्रमा यस्तो हुँदैन भनेर न सोच्नुहोस्,’ उनले भनिन्, ‘अब समय आएको छ यसविरुद्ध उभिएर यसलाई निर्मूल पार्ने ।’

सम्बन्धित सामाग्री

गाईजात्रालाई लक्षित गर्दै ‘मिसन नौटङ्की’ सार्वजनिक

चलचित्र पर्यटनको गन्तव्य विकास गर्नेतर्फ ध्यान केन्द्रित गरौँ : राष्ट्रपति पौडेल

क्याप्टेन थापाको जीवनीमा चलचित्र ‘क्याप्टेन साब’ निर्माण हुँदै

गायिका चौहान ‘साइबर ब्युरो’ गएपछि….

‘सलाम इच्छुक’ गीतको छायांकन सम्पन्न : कृष्ण सेन ‘इच्छुक’प्रति समर्पित सृजना

‘हराएको कुकुर’ शनिबारदेखि मण्डला थियटरमा