रहेनन् मुस्ताङी पूर्वराजा जिग्मेदोर्जे
समयपोष्ट
२०७३ पुष १ गते ९:४९
मुस्ताङका पूर्वराजा जिग्मेदोर्जे पल्बर विष्टको निमोनिया र 'हार्ट फेल'का कारण गएराती निधन भएको छ । ८६ वर्षीय विष्टको गएराती १२.५० मा ओम अस्पतालमा निधन भएको हो । लामो समयदेखि श्वासप्रश्वासको समस्या भएका उनलाई गत मंगलबार ओम अस्पताल भर्ना गरिएको थियो ।
उनी मुस्ताङका राजा आङ्गुन तेन्जिङ त्रान्दुलका तेस्रो छोरा हुन् । उनको जन्म उपल्लो मुस्ताङको लोमान्थाङमा भएको थियो । उनलाई सन् १९५९ मा राजा आङ्गुनको उत्तराधिकारीको रुपमा नेपालका तत्कालीन राजाले मान्यता दिएका थिए । हाल विष्टको शव बौद्ध गुम्बामा राखिएको छ र साइत हेराएर मात्र अन्तिम संस्कार गर्ने पारिवारीक स्रोतले जनाएको छ।
प्रतिक्रिया