प्रिमियर इन्स्योरेन्सलाई एफपीओ जारी गर्न धितोपत्र बोर्डको अनुमति
समयपोष्ट
२०७४ मंसिर १९ गते ५:३९
नेपाल धितोपत्र बोर्डले प्रिमियर इन्स्योरेन्सलाई ६ लाख ५९ हजार पाँच सय ६५ कित्ता एफपीओ जारी गर्न स्विकृती दिएको छ । बोर्डको स्विकृतीसंगै कम्पनीले एक सय रुपैंया अंकित मूल्यमा ६९९ रुपैयाँ प्रिमियम थप गरी ७९९ रुपैंयाको दरमा सेयर निष्काशन गर्ने भएको छ । कम्पनीले संस्थापक र साधारण सेयरको अनुपात ५१ः४९ कायम गर्न उक्त परिमाणको एफपीओ बिक्री गर्न लागेको हो । कम्पनीको एफपीओ निष्काशनकर्ता एनएमबि क्यापिटल रहेको छ ।
सोमबार दोस्रोबजारमा कम्पनीको सेयर प्रतिकित्ता १५५७ रुपैयाँमा कारोबार भएको छ । चुक्ता पूँजी ४४ करोड ८५ लाख चार हजार रुपैयाँ रहेको कम्पनीको पूँजी एफपिओ निष्काशन पश्चात ५१ करोड ४४ लाख ६० हजार रुपैयाँ पुग्नेछ ।
प्रतिक्रिया