रुकुमका २ मतदान केन्द्रमा मतदान जारी

रुकुमका २ मतदान केन्द्रमा आज मतदान भइरहेको छ ।गत मंसिर १० गते स्थगित भएको पश्चिम रुकुमका बाँफीकोट गाउँपालिका र आठबिसकोट नगरपालिकाका एक÷एक मतदान केन्द्रमा आज पुनः मतदान भएको हो ।दुवै मतदान केन्द्रमा शुक्रबार बिहानैबाट शान्तिपूर्ण मतदान भइरहेको छ । बाँफीकोटको रत्न आधारभूत विद्यालय काँडाको (क) मतदान केन्द्रमा प्रतिनिधिसभा र आठबिसकोटको नेपाल राष्ट्रिय मावि गतसैनाको (ख) मतदान केन्द्रमा समानुपातिकतर्फको मतदान भइरहेको रुकुम पश्चिमको मुख्य निर्वाचन अधिकृतको कार्यालयले जनाएको छ ।

Advertisement

बाफिकोटमा ६७२ र आठविसकोटमा ७५६ भोट मतदाता रहेका छन् । १० मंसिरमा भएको निर्वाचनका क्रममा मतपेटिकामा एसिड हालेपछि मतपत्र जलेका थिए । त्यसपछि मतदान स्थगित गरिएको थियो । एसिड हालेको आशंकामा प्रहरीले बाँफीकोटबाट कल्पना केसी र आठ बिसकोटबाट केशव खड्कालाई पक्राउ गरी अनुसन्धान गरिरहेको छ ।
खड्का काङ्ग्रेस कार्यकर्ता हुन् । उनी मतदान केन्द्रमा काङ्ग्रेसको प्रतिनिधिको रुपमा खटिएका थिए ।

सम्बन्धित सामाग्री

एकापसमा शुभकामना आदानप्रदान गर्दै हिन्दू–मुस्लिम

छ वर्षीया आरभको एकल चित्रकला प्रदर्शन

हुलाकी राजमार्ग : वीरगञ्ज मातहत एक सय ८१ किलोमिटर सडक तयार

कर्णाली प्रदेशको स्वास्थ्य सूचकमा आंशिक सुधार

राष्ट्रिय वाणिज्य बैंकद्वारा वित्तीय साक्षरता अभियान सञ्चालन

एनटी फाइबर प्रयोग गर्दा मोबाइलमा दैनिक रूपमा डाटा प्रयोग गर्न सकिने