कांग्रेस पदाधिकारी बैठक सिंहदरबारमा जारी
समयपोष्ट
२०७३ मंसिर १३ गते ६:०२
संविधान संशोधन र मुलुकको पछिल्लो राजनीतिक अवस्थाका विषयमा छलफल गर्न प्रमुख सत्तारुढ दल नेपाली कांग्रेसका पदाधिकारीहरूको बैठक सिंहदरबारमा जारी छ ।
कांग्रेस संसदीय दलको कार्यालयमा जारी बैठकमा मधेसी मोर्चाको माग अनुसार संविधान संशोधन कसरी अगाडि बढाउने भन्ने विषयमा छलफल केन्द्रित हुने बताईएको छ ।
संविधान संशोधन दर्ता गराउन नसकेको सरकारले पहिला राजनीतिक सहमति जुटाउने भन्ने निर्णय गरेपछि कांग्रेसले सो विषयमा पार्टीगत धारणा बनाउन लागेको हो ।
सीमाङ्कनको विषयलाई लिएर कांग्रेसभित्र विवाद छ । पाँच नम्बर प्रदेशबाट पहाडी जिल्ला हटाउने प्रधानमन्त्री पुष्पकमल दाहालको प्रस्तावको कांग्रेसका केही सांसदहरूले विरोध गरिरहका छन् ।
प्रतिक्रिया