सीमापारि: ‘मर्निङ वाक गर्न यतातिर ?’ ‘यता धूलो उडदैन, पिच पनि हेर्न पाइन्छ’
‘मर्निङ वाक गर्न यतातिर ?’ शिवचन्द्र चौधरीले प्रश्नभन्दा आश्चर्यजनक उत्तर दिए, ‘यता धूलो उडदैन, पिच पनि हेर्न पाइन्छ ।’ सीमावर्ती भारतीय बजार सोनबर्सामा एकाबिहानै दौडिइरहेका सर्लाही मलंगवाका चौधरीको भनाइमा वास्तविकता र व्यंग्य दुवै थियो ।
उनले थपे, ‘हामीकहाँ भएको पिच खाइसके । फेरि बनाउन वर्षौं झुलाइसके । भारततिर नआएर के गर्ने ? यता फराकिलो पक्की सडक भएकाले पैदलयात्रा गर्न सहज छ ।’
उनको कुरा सुनिरहेका सोनबर्साका भारतीय नागरिक रामविनय प्रसादले समर्थन जनाउँदै भने, ‘दस वर्षअघिसम्म पिच सडक हेर्न हामी नेपालतर्फ जान्थ्यौं ।
‘१० वर्षअघिसम्म पिच सडक हेर्न हामी नेपालतर्फ जान्थ्यौं, अहिले ठीक उल्टो भयो, नेपाली यता आउँछन् । नेपालका सडक भत्केर खत्तम भइसके । यता एकदम राम्रा र फराकिला पक्की सडक छन् ।’
अहिले ठीक उल्टो भयो । नेपालका सडक भत्केर खत्तम भइसके । यता एकदम राम्रो र फराकिला पक्की सडक छन् । नेपाली दाजुभाइ मर्निङ वाक गर्न आएको देख्दा आफ्नो विगत याद आउँछ ।’ आजको कान्तिपुरबाट
प्रतिक्रिया