रात परेपछि सडकमा तर्साउन आउँथे ‘भूत’, सिसिटिभी फुटेजले सल्टायो यस्तो रहस्य

 

भूत बनेर मानिसहरुलाई तर्साउने युट्युबर्सलाई पुलिसले पक्राउ गरेको छ । मानिसहरुको उजुरीपछि पुलिसले सिसिटिभी फुटेजको आधारमा उनीहरुलाई पक्राउ गरेको हो ।

उनीहरु सेतो लुगा लगाएर, तर्साउने मेकअप गरेर रात परेपछि बाटो हिँड्नेहरुलाई तर्साउँथे । भिडियोमा देखिएअनुसार एक युवक सेतो कपडा र लामो कपाल भएको विग लगाएर राती ट्याम्पो र बाइकमा सवारहरुलाई तर्साइरहेको देखिन्छन् ।

पक्राउ गरिएका सात यु–ट्युबरको पहिचान शान मलिक, निवाद, स्यामुअल मोहम्मद, मोहम्मद अख्यूब, शाकिब, सयैद नाबील, युसूफ अहमदको रुपमा भएको छ । यी सातैजनाले कुकी पिडिया नामबाट यू–ट्युब च्यानल चलाउँछन् । यसमा ‘भूत’ को प्र्यांक भिडियो पनि सेयर गरिएका छन् । सोसल मिडियामा कुकी पिडियाका भिडियो निकै रुचाइन्छन् ।

यो भिडियो यशवंतपुर रोडमा रहेको शरीफनगरमा सुट गरिएको छ । भिडियोमा देखिए अनुसार २०–२२ वर्षका युवक सेतो लुगा र कालो विग लगाएर निकै डरलाग्दो हाउभाउसहित सडकमा आइरहेको देखिन्छन् ।

बेंगलुरु नर्थ डिसीपी एस कुमारले भने, ‘युवकले जबरजस्ती बटुवालाई रोकिरहेका थिए र उनीहरुलाई तर्साइरहेका थिए । उनीहरुलाई पक्राउ गरिएको छ । ’

 

सम्बन्धित सामाग्री