प्रचण्डको आह्वान : गणतान्त्रिक शक्तिको राष्ट्रिय मोर्चा गठन गरौं

Advertisement

नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले देश जटिल मोडमा पुगेको भन्दै राष्ट्रिय स्वाधीनता, लोकतन्त्र र जनअपेक्षा पूरा गर्न गणतान्त्रिक शक्तिहरूलाई साझा राष्ट्रिय मोर्चामा गोलबन्द हुन आह्वान गरेका छन् ।

सामाजिक सञ्जालमार्फत उनले साझा आन्दोलनको माध्यमबाट अघि बढ्न सबैलाई अपिल गरेका हुन् ।

उनले भनेका छन्, “यतिखेर देशका सामु देखिएका जटिलता तथा जनअपेक्षा, राष्ट्रिय स्वाधीनता र लोकतन्त्रमाथि देखा परेका चुनौती हल गर्ने ऐतिहासिक जिम्मेवारी हाम्रा सामु छ । राष्ट्रले भोगिरहेका समस्या र सङ्कटहरूको समाधान अग्रगामी क्रान्तिकारी विचार, प्रतिबद्ध सङ्गठन र इमानदार राजनीतिक पहलकदमीबाट मात्रै सम्भव छ । यस सन्दर्भमा देशभक्त, प्रगतिशील, वामपन्थी शक्तिहरूबिच सङ्गठनात्मक ध्रुवीकरण तथा लोकतान्त्रिक शक्तिहरूबिच राष्ट्रिय सहकार्य अपरिहार्य बनेको छ ।”

राष्ट्रिय स्वाधीनता, सङ्घीय लोकतान्त्रिक गणतन्त्रको रक्षा र समाजवादको आधार निर्माणका लागि माओवादीसहितका वामपन्थी शक्तिहरूले एकता र साझा आन्दोलनमार्फत अघि बढ्नु आजको अपरिहार्य आवश्यकता रहेको प्रचण्डले जोड दिएका छन् ।

Advertisement

उनले थप भनेका छन्, “यस सत्यलाई आत्मसात् गर्दै, म देशका सबै माओवादी धारासहितका वामपन्थीहरूलाई कम्युनिस्ट पार्टीको एउटै झन्डामुनि एकताबद्ध हुन हार्दिक अपिल गर्दछु । साथै, संविधानको रक्षा गर्दै समुन्नत लोकतन्त्रको विकास र राष्ट्रिय स्वाधीनताका लागि सबै गणतान्त्रिक शक्तिलाई राष्ट्रिय एकताको साझा मोर्चामा गोलबन्द हुन आह्वान गर्दछु ।”

सम्बन्धित सामाग्री

उदाउँदो सूर्यलाई अर्घ दिँदै मधेसमा छठ सम्पन्न : ‘छठके सनेस’ सुरु

सङ्खुवासभा केन्द्रबिन्दु भएर भूकम्पको धक्का

झापामा रात्रिबस दुर्घटना, १९ जना घाइते

आज यी प्रदेशमा वर्षासहित हिमपातको सम्भावना

आजका लागि तोकियो विदेशी मुद्राको विनिमयदर

पर्यटक भन्छन्ः ‘मानुङकोटको सुन्दरताले लोभ्यायो’