जेनजी आन्दोलन छानबिन आयोगविरुद्ध सर्वोच्च अदालतमा रिट दायर

Advertisement

जेनजी आन्दोलनका क्रममा भएको दमन र त्यसपछि भएको आगजनीको विषयमा छानबिन गर्न गठित जाँचबुझ आयोगका अध्यक्ष गौरीबहादुर कार्की, सदस्यहरू विज्ञानराज शर्मा र विश्वेश्वरप्रसाद भण्डारीविरुद्ध सर्वोच्च अदालतमा रिट दायर भएको छ।

अधिवक्ता विपिन ढकालले आइतबार आयोगका पदाधिकारीहरूलाई विपक्षी बनाएर रिट निवेदन दायर गरेका हुन्। सर्वोच्च अदालतका प्रवक्ता अर्जुनप्रसाद कोइरालाले रिट निवेदन अध्ययनको क्रममा रहेको जानकारी दिए।

रिट निवेदनमा आयोगका दुई पदाधिकारी पूर्वाग्रही र विषयवस्तुमा तटस्थ नरहेको आरोप लगाइएको छ। साथै, सदस्य विश्वेश्वरप्रसाद भण्डारीले यस्ता मुद्दाहरूमाथि प्रश्न उठाउन नसकेको दाबी गरिएको छ।

सरकारले जेनजी आन्दोलनपछि भएको जनधनको क्षतिबारे छानबिन गर्न विशेष अदालतका पूर्वअध्यक्ष गौरीबहादुर कार्कीको नेतृत्वमा जाँचबुझ आयोग गठन गरेको थियो।

Advertisement

आयोगमा नेपाल प्रहरीका पूर्वएआईजी विज्ञानराज शर्मा र संयुक्त राष्ट्रसङ्घीय नियोगहरूमा काम गरेका अधिवक्ता विश्वेश्वरप्रसाद भण्डारी सदस्य रहेका छन्।

सम्बन्धित सामाग्री

युवाको भावना अनुसार अघि बढ्ने शक्ति माओवादी नै हो : संयोजक प्रचण्ड

एनसेलको नयाँ सीईओमा माइकल फोले नियुक्त, कार्तिक १५ देखि कार्यभार सम्हाल्ने

आज दुई मन्त्रीको मात्रै शपथ

विवादमा मुछिएपछि प्रधानमन्त्रीको सचिवालयले भन्यो-मन्त्री बन्ने सूचीमै थिएनन् सुनार

छठपर्व : प्रकृतिप्रति आस्था, श्रद्धा र आत्मशुद्धिको पर्व

बागमती प्रदेशसभा बैठक कात्तिक तेस्रो साता