बैंकहरूमा निक्षेप र कर्जा लगानीमा वृद्धि, तरलता सहज हुँदै

नेपालका बैंक तथा वित्तीय संस्थाहरूको निक्षेप एकैदिनमा ६ अर्ब रुपैयाँले वृद्धि भएको छ। नेपाल राष्ट्र बैंकले सार्वजनिक गरेको पछिल्लो विवरणअनुसार, भदौ १५ गतेसम्म कुल निक्षेप ७२ खर्ब ४७ अर्ब रुपैयाँ पुगेको छ। यो रकम अघिल्लो दिन भदौ १४ गतेको तुलनामा ६ अर्बले बढी हो, जुन दिन कुल निक्षेप ७२ खर्ब ४१ अर्ब रुपैयाँ थियो।

Advertisement

राष्ट्र बैंकका अनुसार, वाणिज्य बैंकहरूको निक्षेपमा मात्रै ७ अर्ब रुपैयाँको वृद्धि भएको छ। भदौ १५ गते यस्तो निक्षेप ६४ खर्ब ९५ अर्ब रुपैयाँ पुगेको छ, जुन अघिल्लो दिन ६४ खर्ब ८८ अर्ब रुपैयाँ थियो।

निक्षेपसँगै कर्जा लगानीमा समेत सकारात्मक प्रगति देखिएको छ। भदौ १५ गते बैंकहरूको कुल कर्जा लगानी ५६ खर्ब ४ अर्ब रुपैयाँ पुगेको छ, जुन अघिल्लो दिनको तुलनामा ३ अर्ब रुपैयाँले बढी हो। वाणिज्य बैंकहरूको कर्जा लगानी ४९ खर्ब ८२ अर्ब रुपैयाँ रहेको राष्ट्र बैंकले जनाएको छ।

बैंकिङ क्षेत्रको तरलता अवस्थालाई झल्काउने सूचकांक क्रेडिट टु डिपोजिट (सीडी) रेसियो भदौ १५ मा ७६.३७ प्रतिशत कायम भएको छ। यस्तै, अन्तर बैंक ब्याजदर २.७५ प्रतिशत रहेको विवरणमा उल्लेख छ।

सम्बन्धित सामाग्री

तीन महिनामा १८ प्रतिशत बजेट खर्च

द क्लिफमा हाइलाइन अभ्यास

मिरजको घोषणा: ‘मुख्य माग पूरा नभएसम्म निर्वाचनमा भाग लिँदैनौं’

स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल

नेपाल–भारत अन्तरदेशीय पेट्रोलियम पाइपलाइन : साढे छ अर्ब लिटर इन्धन आयात, वार्षिक तीन अर्ब ढुवानी वचत

आयुर्वेदको संरक्षण, सम्वर्द्धन र समृद्धि