सोमबार, १९ मंसिर २०७९

महोत्तरीमा तीन लाख ९७ हजार मतदाता कायम

समयपोष्ट २०७९ असोज ११ गते १५:२७

Advertisement

आसन्न प्रतिनिधि तथा प्रदेशसभा निर्वाचनका लागि महोत्तरी जिल्लामा तीन लाख ९७ हजार मतदाता कायम भएका छन् ।

जिल्ला निर्वाचन कार्यालय प्रमुख सुवोधकुमार महतोका अनुसार चार वटा प्रतिनिधिसभा तथा आठ वटा प्रदेशसभा निर्वाचन क्षेत्र रहेको महोत्तरीमा आसन्न निर्वाचनका लागि तीन लाख ९७ हजार ३० मतदाता कायम भएका छन् । उहाँले जिल्लामा दुई लाख १५ हजार एक सय ३१ पुरुष, एक लाख ८१ हजार आठ सय ९८ महिला र एक जना अन्य गरी तीन लाख ९७ हजार ३० मतदाता कायम भएको जानकारी दिनुभयो ।

जिल्लाको १ नम्बर निर्वाचन क्षेत्रमा ९८ हजार चार सय ९७ मतदाता कायम भएका छन् । त्यस्तै २ नम्बर निर्वाचन क्षेत्रमा ९९ हजार सात सय सात मतदाता कायम भएका छन् ।

त्यसैगरी ३ नम्बर निर्वाचनमा ९९ हजार नौ सय ३० मतदाता र ४ नम्बर निर्वाचन क्षेत्रमा ९८ हजार आठ सय ९६ मतदाता कायम भएको जिल्ला निर्वाचन अधिकारी महतोले बताउनुभयो ।

Advertisement

यसअघि गत वैशाख ३० गते भएको स्थानीय तहको निर्वाचनमा महोत्तरीमा तीन लाख ९१ हजार पाँच सय ७७ मतदाता रहेका थिए भने अहिले सो सङ्ख्या पाँच हजार चार सय ५३ ले बढेको जिल्ला निर्वाचन कार्यालयले जनाएको छ ।

प्रतिक्रिया

सम्बन्धित सामाग्री