आइतबार, १६ असोज २०७९

अब विद्युतबाट उत्पादित वस्तु निर्यात गछौँ : अर्थमन्त्री शर्मा

समयपोष्ट २०७९ असोज ६ गते १६:३७

Advertisement

अर्थमन्त्री जनार्दन शर्माले अब विद्युत निर्यात गर्ने नभएर विद्यतुबाट उत्पादित वस्तुहरुको निर्यात गर्ने बताएका छन् ।

नाडा अटोमोबाइल एशोसिएसन अफ नेपालले आयोजना गरेको नाडा इभी एक्स्पोको बिहीबार राजधानीको भृकुटीमण्डपमा उद्धघाटन गर्ने क्रममा अर्थमन्त्रीले सो कुरा बताएका हुन् ।

अर्थमन्त्री शर्माले सो क्रममा विद्युतबाट उत्पादित हाइड्रोजनको निर्यात गर्ने बताए। अर्थमन्त्री शर्माले भने,’अहिले विद्युत पनि निर्यात भइरहेको छ । तर, विद्युत निर्यात गर्ने वस्तु होइन । विद्युत उत्पादनमा लगाउनुपर्ने वस्तु हो । उत्पादित वस्तु निर्यात गर्ने हो ।’ उनले भने,’हामीले विद्युत निर्यात गर्ने नभएर विद्यतुबाट उत्पादित वस्तुहरुको निर्यात गर्ने हो । अब विद्युतबाट उत्पादित हाइड्रोजनको निर्यात गर्ने हो ।

अर्थमन्त्री शर्माले अब नेपाल हाइड्रोजन उत्पादन गर्ने अवस्थामा पुग्न लागेको दाबी समेत गरे । उनले भने,’हिजो हामी पेट्रोल नपाएर हाहाकार हुने अवस्थाबाट केही हिसाबले छिटो गर्दा नेपालमा हाइड्रोजन उत्पादन गर्ने अवस्थामा पुग्नेछौं ।’

Advertisement

उनले त्यसको नीतिगत तयारी पनि भएको बताए। उनले भने,’छलफल पनि भएको छ । लगानीकर्ता पनि आकर्षित भएका छन् । यी कार्यक्रमले हाइड्रोजन उत्पादन गरेर मागलाई पूरा गरेमा विश्वमा तुलनात्मक रुपले सस्तोमा हाइड्रोजन उत्पादन गर्ने अवस्थामा नेपाल छ ।’

अर्थमन्त्री शर्माले नेपालमै गाडीहरु नेपालमै गाडीहरु बन्नुपर्ने बताउँदै त्यसका लागि ब्याजमा, बिजुलीमा वा भन्सारमा कहाँ सहयोग गर्नुपर्छ, सरकार तयार रहेको स्पष्ट पारे ।

उनले भने,’सवारी साधन उत्पादन गर्ने, एसेम्बल गर्ने नयाँ उद्योगहरुहरुलाई छुटको व्यवस्था दिइएको छ । चार पाङ्ग्रे गाडी उत्पादन गर्ने उद्योग स्थापना भएमा ५० प्रतिशतसम्म छुट दिने व्यवस्था गरिएको छ । देशलाई जे फाइदा हुन्छ, त्यो गर्नुपर्छ ।’

प्रतिक्रिया

सम्बन्धित सामाग्री