ललितपुर महानगरको बजेट खर्च ६८.१४ प्रतिशत

ललितपुर महानगरपालिकाले चालु आर्थिक वर्ष २०८१/०८२ मा कुल बजेटको ६८.१४ प्रतिशत खर्च गरेको छ। शनिबार आयोजित पत्रकार सम्मेलनमा महानगरपालिकाका प्रमुख चिरिबाबु महर्जनले यो जानकारी दिए।

मेयर महर्जनका अनुसार, चालु आर्थिक वर्षमा पुँजीगत खर्च ६०.६२ प्रतिशत, चालु खर्च ८५.३२ प्रतिशत, राजस्व संकलन ७५ प्रतिशत र बेरुजु ०.५२ प्रतिशत रहेको छ। यस्तै, स्थानीय तह संस्थागत क्षमता स्वमूल्यांकनमा ९३.५ प्रतिशत, वित्तीय जोखिम मूल्यांकनमा ९९.५ प्रतिशत र राष्ट्रिय प्राकृतिक स्रोत तथा वित्त आयोगबाट गरिएको मूल्यांकनमा ७४.७१ प्रतिशत अंक प्राप्त भएको उनले बताए।

महानगरपालिकाले आगामी आर्थिक वर्ष २०८२/०८३ का लागि कुल ७ अर्ब ४७ करोड ४१ लाख ४७ हजार बजेट विनियोजन गरेको छ। जसमा पुँजीगततर्फ ४ अर्ब ५० करोड ७७ लाख २९ हजार, प्रशासनिक खर्चका लागि १ अर्ब ३३ करोड ३ लाख १८ हजार र सामाजिक सुरक्षा र सशर्त अनुदानतर्फ १ अर्ब ६३ करोड ६१ लाख विनियोजन गरेको छ ।

सम्बन्धित सामाग्री

चितवनमा डेङ्गु सङ्क्रमणदर उच्च, मृत्यु कम

टेको हटाउने क्रममा गाडी ‘ब्याक’, आफ्नै घर अगाडि किचेर मृत्यु

सुनसरी–मोरङका सेउती, बूढी र खेसलिया खोलाका आसपास तथा तटीय क्षेत्रमा सतर्कता अपनाउन आग्रह

देशका विभिन्न स्थानमा भारी वर्षा मापन : कास्कीको लुम्लेमा एक सय ५१ मिलीमिटर वर्षा

फल्याक र धार्काजुङमा जलवायु परिवर्तनको असर

आजका लागि विदेशी मुद्राको विनिमयदर