महराले भेटे चिनियाँ प्रधानमन्त्री
काठमाडौं– प्रधानमन्त्री प्रचण्डको विशेष दूत बनेर चीन भ्रमणमा गएका उपप्रधानमन्त्री तथा अर्थमन्त्री कृष्णबहादुर महराले चिनियाँ प्रधानमन्त्री लि खछ्याङसँग भेट वार्ता गरेका छन् ।
हिजो मात्र उनले आफ्ना चिनियाँ समकक्षीसँग वाङ यीसँग भेट गरेका महराले आज प्रधानमन्त्री लि खछ्याङसँग भेट गरेका हुन् ।
भेटमा चिनियाँ प्रधानमन्त्री लि खछ्याङले नेपाल सरकारबाट राष्ट्रपति र प्रधानमन्त्रीका लागि आएको निमन्त्रणाप्रति धन्यावाद दिएका छन् ।
बेइजिङस्थित नेपाली दूतावासले जारी गरेको विज्ञप्ती अनुसार चिनियाँ राष्ट्रपति र प्रधानमन्त्रीको नेपाल भ्रमणका विषयमा दुई देशका परराष्ट्र मन्त्रालयवीच संवाद जारी रहनेछ ।
चिनियाँ राष्ट्रपति र प्रधानमन्त्रीलाई नेपाल भ्रमण गराउने विश्वसनीय वातावरण तयार पार्न तथा यसका लागि चिनियाँ पक्षलाई सम्पूर्ण रुपमा आश्वस्त तुल्याउन महरा प्रधानमन्त्रीको विशेष दूतका रुपमा चीन भ्रमणमा गएका थिए ।
अगाडिका सरकारले चीनसँग गरेका सम्झौताको कार्यन्वयन र नयाँ सम्झौताका विषयमा वातवरण बनाउने विषयमा पनि महराको भ्रमण केन्द्रत थियो ।
प्रतिक्रिया