दोहोरो अंकले घट्यो नेप्से परिसूचक

नेप्से परिसूचक १८.४४ अंक घटेर २९६४.२० विन्दुमा झरेको छ। सेन्सेटिभ इण्डेक्स ३.२६ अंक घटेको छ भने फ्लोट इण्डेक्स १.४५ अंक र सेन्सेटिभ फ्लोट इण्डेक्स १.०६ अंक घटेको छ।

नेप्से घटेपनि कारोबार रकम भने उच्च बढेको छ। आज ३२३ पटकको कारोबारमा २ लाख २ हजार ८०४ पटकको कारोबारमा २६ अर्ब ४२ करोड १८ लाख ९६ हजार रुपैयाँबराबरको ५ करोड ८३ लाख ७० हजार कित्ता शेयर खरिदबिक्री भएको छ।

१३ उपसमूहमध्ये आज ५ उपसमूहको परिसूचक बढेको छ भने ८ उपसमूहको परिसूचक घटेको छ। व्यापार उपसमूहको परिसूचक सर्वाधिक १.४४ प्रतिशत बढेको हो। विकास बैंक र उत्पादन तथा प्रशाेधन उपसमूहको परिसूचक १ प्रतिशतभन्द बढी बढेको छ। कारोबारमा आएका वित्त, होटल तथा पर्यटन, जलविद्युत, लगानी र जीवन बीमा उपसमूहको परिसूचक १ प्रतिशतभन्द बढी घटेको छ।

आज तीन स्टकको शेयर सकारात्मक सर्किट लेभलमा कारोबार भएको छ। समता घरेलु लघुवित्त वित्तीय संस्था, ट्रेड टावर र सान्भि इनर्जीको शेयर सकारात्मक सर्किट लेभलमा कारोबार भएको हो। लक्ष्मी लघुवित्त वित्तीय संस्थाको शेयरमूल्य करिब साढे ८ प्रतिशत बढेको छ। कारोबारमा आएको नारायणी डेभलपमेन्ट बैंकको शेयरमूल्य सर्वाधिक ६.३४ प्रतिशत घटेको छ।

आज शिवम् सिमेन्ट्स शीर्ष स्थानमा रहेको छ। सो कम्पनीको १ अर्ब २ करोड ३ लाख ३५ हजार रुपैयाँबराबरको शेयर किनबेच भएको छ। त्यस्तै, ङादी ग्रुप पावरको करिब ८९ करोड रुपैयाँको शेयर कारोबार भएको छ भने नेपाल पुनर्बीमा कम्पनीको कारोबार रकम ८५ करोड नाघेको छ।

सम्बन्धित सामाग्री

राष्ट्र बैंकले एक अर्ब रुपैयाँ मुद्दती निक्षेपमा राख्ने, बैंकहरूलाई प्रस्ताव पठाउन आह्वान

प्राधिकरणको प्रष्टीकरण-लोडसेडिङको हल्ला भ्रामक,लोड बढेकाले विद्युत् आपूर्तिमा समस्या भयो

एन आई सी एशिया बैंकका ग्राहकलाई हेयर एण्ड शान्ती युनिसेक्स सैलुनमा सेवा लिँदा १० प्रतिशत छुट

राष्ट्रियसभा शून्य समयः समसामयिक विषयमा सरकारको ध्यानाकर्षण

धार्मिक पर्यटनसँग जोडिँदै बेगनास बराह

सप्तरीमा खानेपानीको अभाव