ललितपुर र काठमाडौँमा प्रहरीको छापा : क्रिप्टो कारोबार र ठगीमा संलग्न ६ चिनियाँसहित ५२ जना पक्राउ

Advertisement

नेपाल प्रहरीको केन्द्रीय अनुसन्धान ब्युरो (सीआईबी) ले क्रिप्टोकरन्सी कारोबार र ठगीमा संलग्न रहेको आरोपमा ५२ जनालाई पक्राउ गरेको छ। पक्राउ पर्नेमा ६ जना चिनियाँ नागरिक पनि छन्। ललितपुर महानगरपालिका–४, दमकल चोकस्थित भाडामा लिइएको घर र काठमाडौं महानगरपालिका–१३ मा रहेको कार्यालयमा छापा मारेर उनीहरूलाई पक्राउ गरिएको हो।

पक्राउ पर्ने चिनियाँ नागरिकहरूमा २९ वर्षीय जान लुन, २७ वर्षीय चेन जियाहावो, ४१ वर्षीय लिन दे, ३२ वर्षीय सु ज्हेंग, ३० वर्षीय लिउ जेजुआन र ३३ वर्षीय सु लिंगहुवा रहेका छन्।

सीआईबीका एसपी युवराज खड्काका अनुसार, पक्राउ परेका व्यक्तिहरूले कल सेन्टर र सफ्टवेयर कम्पनी सञ्चालन गर्ने बहानामा उक्त घर भाडामा लिएका थिए। उनीहरूले ‘मेटो’ नामक डाटिङ एपमार्फत युवतीहरूलाई प्रयोग गरी ठगी धन्दा सञ्चालन गरेको अनुसन्धानबाट खुलेको छ। यो समूहले नेपालमा गैरकानुनी मानिएको क्रिप्टोकरन्सी कारोबारमा मानिसहरूलाई फसाएर ठगी गरेको पाइएको छ।

प्रहरीले छापा मार्ने क्रममा ठगीमा प्रयोग गरिएका डिभाइसहरू बरामद गरेको छ भने आरोपितहरूको साथबाट स्रोत नखुलेको १३ लाख रुपैयाँ नगद पनि फेला परेको छ। एसपी खड्काले अनुसन्धानलाई थप गहन बनाउँदै अन्य संलग्न व्यक्तिहरूको खोजी भइरहेको बताए।

Advertisement

सम्बन्धित सामाग्री

राष्ट्रिय सहकारी नियमन प्राधिकरणको अध्यक्षमा तीन जना सिफारिस

नेप्से परिसूचक २२ अङ्कले घट्यो

स्पेन भ्रमणबाट विकास साझेदारीका प्राथमिकता मुखरित भएको छः प्रधानमन्त्री

प्रधानमन्त्रीद्वारा स्पेन भ्रमणबारे संसद्‌मा जानकारी

२१ दिनदेखि सुनचाँदी व्यवसायीको रिले अनसन

कुलिङ पिरियड विवाद : यी हुन् विशेष संसदीय छानबिन समितिमा रहने सात सदस्य