दाउन्ने सडक भासियो, यातायात पूर्ण रूपमा अवरुद्ध

Advertisement

लगातारको वर्षापछि पूर्व–पश्चिम राजमार्ग अन्तर्गत दाउन्ने सडकखण्ड पूर्ण रूपमा अवरुद्ध भएको छ। शुक्रबार रातिदेखि परेको अविरल वर्षाका कारण बर्दघाट नगरपालिका–४ स्थित खुर्सानी खोला नजिकको सडक खण्ड भासिँदा यातायात पूर्ण रूपमा ठप्प बनेको हो।

इलाका प्रहरी कार्यालय बर्दघाटका प्रमुख प्रहरी निरीक्षक दीपेन्द्र बानियाँका अनुसार सडक भासिएको क्षेत्र बर्दघाट बजारदेखि करिब ३ किलोमिटर पश्चिममा पर्छ। करिब ७ मिटर सडक भासिएको र ढलानसमेत उप्किएको जानकारी दिँदै उहाँले शनिबार बिहानसम्म पनि सडक सञ्चालनमा आउन नसकेको बताए।

“सडक मर्मतका लागि पहल भइरहेको छ, तर वर्षा नरोकिँदा काममा कठिनाइ भइरहेको छ,” बानियाँले जानकारी दिनुभयो। पानी रोकिएलगत्तै सडक डिभिजन कार्यालय र निर्माण कम्पनीसँग समन्वय गरेर सडक सञ्चालनमा ल्याउने तयारी भइरहेको बताइएको छ।

सम्बन्धित सामाग्री

दूध उत्पादनमा नमूना बन्दै ‘बेलवास गाउँ’, मासिक १५ हजारदेखि दुई लाखसम्म आम्दानी

पर्वतारोहण पथप्रदर्शकमा शेर्पा युवाहरूको आकर्षण घट्दै

कम्बोडियामा अलपत्र दुई नेपालीको उद्धार

आजको मौसम : देशभर चट्याङसहित वर्षाको सम्भावना

बुद्धिचाल प्रतियोगिता : आठ वर्षका बालकदेखि ६८ वर्षीय नागरिकसम्म भिड्दै

डलर, युरो र पाउण्ड सस्तियो, यस्तो छ आजको लागि विदेशी मुद्राको विनिमय दर