एन आई सी एशिया बैंकले सञ्चालनमा ल्यायो लिलाम बिक्रीका लागि अनलाइन पोर्टल
एन आई सी एशिया बैंक लिमिटेडले आफ्ना ग्राहकहरूलाई सहज, पारदर्शी र डिजिटल सेवा प्रदान गर्ने उद्देश्यले बैंकिङ्ग सम्पत्ति, गैर–बैंकिङ्ग सम्पत्ति तथा धितो सुरक्षणमा रहेका सम्पत्तिहरूको लिलाम बिक्री सम्बन्धी विस्तृत जानकारी उपलब्ध गराउन एक अनलाइन पोर्टल सञ्चालनमा ल्याएको छ। यो पोर्टलले सम्पत्ति लिलाम बिक्री प्रक्रियालाई थप व्यवस्थित, पहुँचयोग्य र प्रभावकारी बनाउने लक्ष्य राखेको छ।
बैंकले सञ्चालनमा ल्याएको यो अनलाइन पोर्टल (https://auctionassistance.nicasiabank.com) मार्फत लिलाम बिक्रीमा राखिएका सम्पत्तिहरूको पूर्ण विवरण उपलब्ध गराइएको छ। बैंकका सहायक प्रमुख कार्यकारी अधिकृत तथा प्रमुख सूचना अधिकारी श्री अर्जुन राज खनियाका अनुसार, ग्राहकहरूले लिलाम बिक्री सम्बन्धी प्रकाशित सूचनामा दिइएको क्यूआर कोड स्क्यान गरी यो पोर्टलमा सजिलै प्रवेश गर्न सक्नेछन्। पोर्टलमा सम्पत्तिको कित्ता नम्बर, क्षेत्रफल, फोटो, नक्सा र सम्पत्तिको स्थान पहिचानका लागि गूगल म्याप सुविधा समेटिएको छ। साथै, ग्राहकहरूले सम्पत्तिको विवरण हेरेर थप जानकारी आवश्यक भएमा पोर्टलमै उपलब्ध म्यासेज बक्समा आफ्नो पूरा नाम, इमेल ठेगाना, मोबाइल नम्बर र सम्पर्क ठेगाना राखी सन्देश पठाउन सक्नेछन्। बैंकले यो पोर्टलमा नियमित रूपमा बैंकिङ्ग सम्पत्ति, गैर–बैंकिङ्ग सम्पत्ति र धितो सुरक्षणमा रहेका सम्पत्तिहरूको लिलाम बिक्री सम्बन्धी जानकारी प्रकाशित गर्ने व्यवस्था गरेको छ।
यो अनलाइन पोर्टलले सम्पत्ति लिलाम बिक्री प्रक्रियालाई पारदर्शी, ग्राहकमैत्री र समय–कुशल बनाउन महत्त्वपूर्ण भूमिका खेल्ने अपेक्षा गरिएको छ। ग्राहकहरूले पोर्टलमा उपलब्ध सम्पत्तिको विवरण हेरेर आफूलाई उपयुक्त लागेको सम्पत्ति खरिद गर्न सजिलै निर्णय लिन सक्नेछन्। म्यासेज बक्स सुविधाले ग्राहक र बैंकबीच प्रत्यक्ष र सहज सम्पर्क स्थापित गर्न सहयोग पुर्याउनेछ।
एन आई सी एशिया बैंकले यो पोर्टलमार्फत ग्राहकहरूलाई सहज, सुरक्षित र विश्वसनीय सेवा प्रदान गर्ने प्रतिबद्धता व्यक्त गरेको छ। यो डिजिटल पहलले सम्पत्ति लिलाम प्रक्रियालाई थप व्यवस्थित र पहुँचयोग्य बनाउने विश्वास बैंकले लिएको छ। इच्छुक ग्राहकहरूले https://auctionassistance.nicasiabank.com मा लग इन गरेर सम्पत्तिहरूको विस्तृत जानकारी प्राप्त गर्न र लिलाम बिक्रीमा सहभागी हुन सक्नेछन्।
यो पोर्टल सञ्चालनमा ल्याउनु बैंकको डिजिटल रूपान्तरणको एक महत्त्वपूर्ण कदम हो। एन आई सी एशिया बैंकले आगामी दिनहरूमा पनि यस्ता नवीन र ग्राहकमैत्री सेवाहरू ल्याउने प्रतिबद्धता जनाएको छ। इच्छुक व्यक्तिहरूलाई बैंकले प्रकाशित गरेको लिलाम बिक्री सूचनामा रहेको क्यूआर कोड स्क्यान गरी वा सिधै पोर्टलमा प्रवेश गरेर सम्पत्तिहरूको जानकारी लिन र लिलाम प्रक्रियामा सहभागी हुन बैंकले आह्वान गरेको छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया