चालु आर्थिक वर्षको अन्त्यसम्ममा एक हजार मेगावाट विद्युत् थप हुन्छ : मन्त्री पुन

ऊर्जा मन्त्री वर्षमान पुनले शहरी सौन्दर्यका लागि विद्युत्का तार भूमिगत गर्न लागिएको बताउनुभएको छ ।

ऊर्जा, जलस्रोत तथा सिँचाइ मन्त्रालयको निर्देशनमा नेपाल विद्युत् प्राधिकरणले अगाडि बढाएको भूमिगत बनाउने कार्यक्रमको शिलान्याशपछि आयोजित सभालाई सम्बोधन गर्दै मन्त्री पुनले तार भूमिगत गर्ने योजनालाई आगामी दिनमा देशभर नै विस्तार गर्ने लक्ष्यसाथ काम भइरहेको र एकाध वर्षभित्रै पूर्णता पाउने बताउनुभएको हो ।

मन्त्री पुनले चालु आर्थिक वर्षको अन्त्यसम्ममा राष्ट्रिय गौरवको माथिल्लो तामाकोशी लगायतका आयोजना सम्पन्न गरी कूल एक हजार मेगावाट विद्युत् थप हुने बताउनुभयो । उहाँले सरकार गठन भएपछि राष्ट्रिय प्रणालीमा थप ४०० मेगावाट विद्युत् थप भएको तथ्यांक पेश गर्दै नेपालले केही वर्षभित्रै विद्युत् निर्यात गर्ने उल्लेख गर्नुभयो । सरकारले ऊर्जा क्षेत्रको विकासका लागि रणनीतिक महत्वका योजना अगाडि सारेको जानकारी दिँदै उहाँले आर्थिक समृद्धिको प्रमुख आधारको रुपमा त्यस क्षेत्रलाई लिइएको बताउनुभयो ।

सम्बन्धित सामाग्री

भारतको सहयोगमा नेपालमा पाँच परियोजना : शिक्षा र स्वास्थ्य क्षेत्र प्राथमिकतामा

पब्जी ‘इ—स्पोर्ट्स विश्वकप’मा नेपालले भाग लिँदै

अवतरणका क्रममा विमानको तीन वटा टायर पड्कियो

नेप्से परिसूचक २८९२.७२ विन्दुमा, कारोबार रकम भने घट्यो

सेयर लगानीकर्ता दीपेन्द्र अग्रवाल ठगीको आरोपमा पक्राउ

कारागारमा चौकीदार नियुक्ति विवाद : कैदीबन्दीले गृहमन्त्रलाई लेखे पत्र