पाँचथर पावर कम्पनीको आइपिओ आजबाट खुल्यो

पाँचथर पावर कम्पनीले आजबाट साधारण सेयर जारी गरेको छ । कम्पनीले आयोजना प्रभावित स्थानीयका लागि ९ लाख ६२ हजार ५ सय कित्ता साधारण सेयर जारी गरेको हो ।

यसका लागि माघ १४ गतेसम्म आवेदन दिन सकिनेछ । पाँचथर जिल्लाको फिदिम नगरपालिका र हिलिहाङ, फालेलुङ गाउँपालिकाका स्थानीयले यस सेयरमा आवेदन दिन पाउनेछन् ।
आईपिओमा स्थानीयहरुले न्यूनतम १० कित्ता अर्थात एक हजार रुपैयाँदेखि ९ हजार ६२० कित्ता अर्थात ९ लाख ६२ हजार रुपैयाँसम्म आवेदन दिन सक्नेछन् ।

कम्पनीको साधारण सेयर बिक्री प्रबन्धक सानिमा क्यापिटल रहेको छ । आयोजना प्रभावित स्थानीयले पाँचथरमा रहेको कृषि विकास बैंक, सेञ्चुरी बैंक, गुडविल फाइनान्सको शाखाबाट आवेदन दिन सक्नेछन् ।

यस्तै आयोजनाको कार्यलयबाट पनि सेयर आवेदन भर्न सकिने कम्पनीले जनाएको छ । तोकिएको समयमा आवेदन नपरेको अवस्थामा माघ २९ गतेसम्म आवेदन दिन सकिनेछ ।

यो आइपिओका लागि केयर रेटिङले ग्रेड ४ रेटिङ दिएको छ । पाँचथर पावरको प्रतिमेगावाट लागत १७ करोड ५४ लाख ८७ हजार रुपैयाँ रहेको छ । साधारण सेयरको लगानी फिर्ता हुन ८.९४ वर्ष लाग्ने कम्पनीले जनाएको छ ।

सम्बन्धित सामाग्री

उच्च अंकले बढ्यो नेप्से परिसूचक

आजदेखि आईपीओ निष्काशन गर्दै बन्दीपुर केवलकार

नेप्से परिसूचक २८९२.७२ विन्दुमा, कारोबार रकम भने घट्यो

पुँजीबजारमा साढे २१ अर्बको कारोबार, नेप्से परिसूचकमा झिनो सुधार

प्रभु हेलिकप्टरले आइपिओ जारी गर्दै

प्रभु इन्स्योरेन्सको शेयरमूल्य समायोजन