मेगा र टुरिजम् डेभलपमेन्ट बैंक गाँभिदै
समयपोष्ट
२०७३ माघ ८ गते ९:२८
मेगा बैंक र टुरिजम् डेभलपमेन्ट बैंक आपसमा गाभिने भएका छन् । मेगा बैंक सञ्चालक समितिका अध्यक्ष भोज बहादुर शाह र टुरिजम् डेभलपमेन्ट बैंक सञ्चालक समितिका अध्यक्ष प्रा.डा.पुष्पराज कँडेलले आपसमा गाभिने सैद्धान्तिक सहमतिपत्रमा हस्ताक्षर गरेका हुन् । मर्जर पश्चात् बैंकको नाम मेगा बैंक नेपाल लिमिटेड नै कायम रहने छ ।
अन्तिम सेयर आदान प्रदान अनुपात डिडिए प्रतिवेदनको आधारमा फरक पर्न सक्ने गरी हाललाई मेगा बैंकको र टुरिजम् डेभलपमेन्टको स्वाप रेसियो १ सय बराबर ९५ तय गरिएको छ ।
हाल मेगा बैंकको पुँजी ४ अर्ब १ करोड रुपैयाँ छ भने टुरिजम् डेभलपमेन्ट बैंकको पुँजी ९१ करोड ९७ लाख रुपैयाँ रहेको छ । टुरिजम् डेभलपमेन्टले हालको चुक्ता पुँजी ९१ करोड ९७ लाखमा १८.६० प्रतिशत बोनस सेयर प्रस्ताव समेत गरिसकेको छ ।
प्रतिक्रिया